Në fokus

July 28, 2020 | 12:38

Ambra Hysa: Vajzat i duan shumë baballarët e tyre, kjo lidhje është deri diku hyjnore, magjike

Ekziston një marrëdhënie shumë e ngushtë shpirtërore mes baballarëve dhe vajzave, sepse baballarët na dhurojnë besimin, mbështetjen dhe dashurine pa kushte, që në hapat e parë të jetës.

Autorja, Ambra Hysa lindi në Prill të vitit 1995 në Shkodër. Ka studiuar Financë por pasioni i saj mbetet arti, psikologjia, letersia. Aktualisht punon si gazetare dhe ndan me ne vazhdimisht artikuj dhe refleksione të fushave të ndryshme.

Autorja, Ambra Hysa lindi në Prill të vitit 1995 në Shkodër.
Ka studiuar Financë por pasioni i saj mbetet arti, psikologjia, letersia.
Aktualisht punon si gazetare dhe ndan me ne vazhdimisht artikuj dhe refleksione të fushave të ndryshme.

Nëse jeni rritur nga një baba mbështetës dhe inkurajues, ju tashmë jeni një grua plot ëndrra, vizion dhe të ardhme. Nëse jeni rritur me dashurinë e një babai, ju do të bëheni një grua me vetëbesim, që do të kërkoni të njëjtën dashuri të pastër dhe të njëjtin mirëkuptim dhe besueshmëri edhe tek partneri i jetës.

1

Të gjithë mund të bëhen prindër, por duhet një oqean dashurie, butësie dhe sakrifice për të qenë një baba. Baballarët na dedikojnë jetën dhe ne asnjëherë nuk do të mund t’i shpërblejmë mjaftueshëm. Ata janë vërtet heronj, në luftën e jetës.

Lidhja midis një babai dhe një vajze është unike. Marrëdhënia e një vajze me babanë formon përvojën e saj të fëmijërisë dhe përcakton sjelljen e saj kur të jetë e rritur. Është babai që përcakton një shembull të “njeriut të ëndrrave” dhe një jete të shëndetshme dhe të suksesshme.

Nëse një baba nuk merr pjesë në jetën e vajzës së tij ose veprimet e saj janë të çrregullta, kjo mund të çojë në vetëbesim të ulët dhe probleme me besimin e njerëzve në përgjithësi.

2
Nëse një vajzë ka një marrëdhënie të mirë me babain, ajo ka një rrezik më të ulët të zhvillimit të ankthit ose depresionit dhe sipas hulumtimeve, ajo menaxhon më mirë stresin. Nëse një baba punon për të zhvilluar një lidhje të ngushtë me të bijën dhe bën që ajo të flasë për ndjenjat e saj, kjo bën që vajza të ketë marrëdhënie të suksesshme dhe të përmbushura në të ardhmen.

Përfshirja e babait në jetën e vajzës së tij është e rëndësishme, dhe krijimi i një lidhjeje të shëndetshme me të është thelbësore, sepse kjo e ndihmon të zhvillojë vetëbesim dhe të krijojë një imazh pozitiv. Për ta bërë këtë, një baba duhet ta inkurajojë vajzën e tij, të jetë i pranishëm në jetën e saj, të respektojë ndjenjat dhe të dëgjojë mendimet e saj, dhe të ketë një interes aktiv për hobit e saj. Kjo do ta ndihmojë për pasiguritë e saj dhe të rrisë besimin në aftësitë e veta.

Është babai që i tregon i vajzës se çfarë do të thotë respekti dhe dashuria. Ai i tregon asaj se si një njeri mund të respektojë gratë e tjera, veçanërisht nënën e saj. Vajza do të shohë dhe do të kujtojë gjithçka për mënyrën se si babai i saj komunikon me gratë, nëse ai arrin të tregojë respekt apo jo.
Për një vajzë të vogël, një marrëdhënie e hershme me babanë formon perceptimet e saj për atë që ajo mund të presë dhe çfarë është e pranueshme nga një partner. Hulumtimet thonë se gratë e pjekura kanë marrëdhënie afatgjata me burra që u ngjajnë mentalisht baballarëve të tyre.

Ata gjithashtu luajnë një rol të rëndësishëm kur flasim për shëndetin financiar dhe fizik të vajzave të tyre. Vajzat i shohin etërit e tyre si një simbol të stabilitetit financiar dhe mirëqenies fizike dhe emocionale. Nëse babai ështe shumë i përfshirë në fëmijërinë e vajzës së tij, ajo do të ketë më shumë gjasa që të ketë shëndet më të mirë fizik dhe financiar që mund ta çojë drejt suksesit.

Të kesh një baba të tillë, është njesoj si të kesh gurin më të çmuar dhe pasurinë më të madhe në rrugëtimin e jetës. Një baba mbështetës dhe vizionar është i barabartë me njëmijë bekime.

Pasi të lexosh këtë shkrim, mos harro t’i thuash babait tënd që e do shumë dhe që i detyrohesh atij për gruan e bukur dhe të fortë që je sot.
Ai është thesari në jetën tënde.

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top