Mirëqenie

January 25, 2020 | 8:08

Si ndryshon trupi juaj nëse merrni një lugë mjaltë në ditë

Të gjithë e dimë se mjalti, përveç që është i shijshëm, është i shkëlqyeshëm për qetësimin e dhimbjeve të fytit dhe kollës. Por këto nuk janë përfitimet e vetme të këtij super-ushqimi të fuqishëm. Mjalti është shumë i pasur me veti terapeutike që na ndihmojnë të parandalojmë dhe trajtojmë shumë sëmundje shëndetësore.

Mjalti është veçanërisht i pasur me lëndë ushqyese dhe vetitë e tij terapeutike janë vlerësuar dhe përdorur me shekuj në mjekësinë tradicionale. Më poshtë rendisim përfitimet kryesore të mjaltit, nëse konsumohet rregullisht.

Përmirësim i kujtesës. Falë pasurisë së tij me antioksidantë dhe aftësisë për të stimuluar thithjen e kalciumit, mjalti është i shkëlqyeshëm për funksionet e trurit dhe në veçanti për kujtesën.

Shëron plagët. Një nga përfitimet kryesore të ngrënies së një lugë çaji mjaltë në ditë është aftësia e tij për të shpejtuar shërimin e plagëve. Mjalti rekomandohet edhe për plagë jo të dukshme, siç janë ulcerat e stomakut.

Shmangni alergjitë. Mjalti është vërtetuar shkencërisht se ndihmon në lehtësimin e simptomave të alergjive, siç janë skuqja, kollitja dhe kongjestioni i hundës.

Antibakterial. Një tjetër superfuqi e mjaltit është kapaciteti i tij antibakterial, për shkak të pranisë së sheqernave dhe proteinave.

Zvogëlon zbokthin. Falë vetive të tij antibakteriale, mjalti ndihmon në eliminimin e zbokthit nga koka. Përgatitni një maskë për flokët duke përzier mjaltin me ujë. Aplikojeni në lëkurën e kokës dhe lëreni për 5 minuta para se ta shpëlani me ujë të rrjedhshëm.

Lufton pagjumësinë. Sheqeri natyral i mjaltit rrit në mënyrë të shëndetshme nivelin e insulinës, e cila nga ana tjetër rrit prodhimin e serotoninës, një hormon që na ndihmon të qetësohemi dhe të pajtojmë gjumin.

Mbron zemrën. Asimilimi i lehtë i sheqernave natyrore të mjaltit na lejon të kemi energji pa rrezikuar zemrën. Mjalti gjithashtu mbron zemrën nga kolesteroli i tepërt.

 

 

Burimi / https://www.rimedio-naturale.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top