Ne nuk jemi në gjendje të lexojmë mendjen e kafshës sonë, por të paktën mund të deshifrojmë gjuhën e trupit të saj. Macet kanë shumë për të thënë, veçanërisht se çfarë ndjejnë për ne. Zbuloni se çfarë bëjnë macet për të treguar dashurinë e tyre!
- Ju masazhon me putrat e saj
Nëse macja juaj fillon t’ju trazojë sikur të ishit brumë picash, kjo është për shkak se ajo është e lumtur me ju. Gjithashtu ato kërkojnë edhe përkëdhelje, sepse në këtë mënyrë ndihen sikur janë pranë nënës së tyre. Sa më shumë ta përkëdhelni, aq më e lumtur do të jetë dhe do të zhys kthetrat e saj në lëkurën tuaj. Për të mos lejuar që t’ju lëndojë, lëvizeni dhe mbulohuni me një mbulesë.
- Ju sjell kafshë ose sende të ngordhura
Nuk është shumë e këndshme të gjesh minj të vegjël ose zogj të ngordhur jashtë derës, por është mënyra se si macja juaj tregon mirënjohjen e saj. Ajo ju shpërblen për mirësjelljen, kujdesin dhe shpreson që edhe ta shpërbleni. Ajo gjithashtu mund të dëshirojë të ndajë me ty atë që ka kapur, sepse mendon se nuk po ha aq sa duhet, pasi nuk të sheh të ndjekësh ndonjë pre. Prandaj mos e qortoni në këto raste. Edhe macet që nuk mund të gjuajnë ose që janë në apartament u japin dhurata pronarëve të tyre, zakonisht ata u sjellin sende shtëpiake.
- Ju jep një shtytje të vogël
Macet janë mësuar të prekin njëra-tjetrën, është një sjellje sociale që ato e përdorin për t’i treguar një maceje tjetër që e pranojnë atë në grupin e tyre. Macet kanë gjëndra aromatike të vendosura në faqe dhe kokë. Duke i shtyrë ato, i lënë erën e tyre një kafshe tjetër, duke vendosur një lidhje mes tyre. Ato bëjnë të njëjtën gjë me njerëzit. Pra, nëse macja juaj e bën atë, kjo është për shkak se ajo po përpiqet të lërë erën e saj mbi ju dhe për t’iu thënë se jeni pjesë e familjes së saj.
- Ajo ju shikon për disa sekonda
Ju mund të keni vërejtur që macja juaj ju shikon për një kohë të gjatë: kjo është një shenjë e mirë! Do të thotë që ajo ju beson dhe se ju mund t’i besoni asaj. Është njësoj sikur të jetë duke buzëqeshur.
- Shtrihet me shpinë dhe shtrin këmbët
Në këtë pozicion, macja është e prekshme. Ajo nuk e tregon veten për të gjithë sepse do të rrezikonte të sulmohej dhe të mos ishte në gjendje të mbrohej. Nëse macja juaj shtrihet në këtë mënyrë, duke ju treguar barkun, do të thotë se ka besim tek ju, se e di që nuk do ta lëndoni dhe se ndjehet e sigurt.
- Mbledh majën e bishtit
Sipas Marilyn Krieger, macet shprehin lumturinë dhe mirëqenien e tyre përmes majës së bishtit të tyre. Nëse bishti është i ngritur dhe maja e mbledhur, atëherë ajo është e lumtur që është me ju. Është sikur të kërcejë nga gëzimi.
- Ju kafshon dhe ju lëpinë
Ne mund të mendojmë se ajo dëshiron të na lëndojë duke na kafshuar, por është e kundërta. Është një demonstrim i dashurisë së vërtet. Macet kafshojnë njëra-tjetrën por atyre u dhemb më pak se sa neve. Dhe nëse ajo ju lëpin, do të thotë që dëshiron t’ju lajë ashtu siç do të bënte një mace tjetër. Kjo është mënyra e tyre për t’u kujdesur për njëri-tjetrin.
- Fërkohet tek ju
Sa i përket fërkimit, e bën këtë për t’iu lënë erën e vet që të tregojë se jeni me të njëjtën familje. Në këtë mënyrë ajo do të forcojë lidhjen me ty.
- Pastrohet kur është me ju
Pastrimi luan një rol të rëndësishëm tek macet. Një mace pastrohet kur është e lumtur. Veterinerët mendojnë se pastruesit veprojnë si qetësues të dhimbjes. Për më tepër, pastrimi ka një efekt të dobishëm tek ne. Redukton stresin.
- Ju ngjitet
Nëse macja juaj ju ndjek kudo, edhe kur nuk është koha për të ngrënë ose nëse ajo nuk ka nevojë për asgjë, kjo është për shkak se ajo e pëlqen praninë tuaj dhe dëshiron të kalojë sa më shumë kohë me ju. Nëse ajo ju ndjek, përkëdheleni shumë dhe ajo do të jetë e lumtur!
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
