10 mënyra për të larguar më shpejt stresin

Qeshni me të madhe

Ndjeheni të stresuar në lidhje me punën dhe përgjegjësitë familjare? Ka shumë gjëra të shpejta që mund të bëni për të zvogëluar tensionin tuaj. Vendosni për të parë një komedi me disa miq dhe qeshni. Shpërthimet e të qeshurave rrisin oksigjenin në organet tuaja, qarkullimin e gjakut duke bërë të mundur zhdukjen e stresit.

Përkëdhelni qenin

Qeni juaj jo vetëm që ju jep dashuri të pakushtëzuar, por ai është gjithashtu i mirë për shëndetin tuaj. Kur ju përkëdhelni qenin tuaj për pak minuta, trupi juaj lëshon kimikate të trurit të mirë si serotonin, prolaktin dhe oksitocin. Në të njëjtën kohë, zvogëlon sasinë e hormoneve të stresit.

Pastroni rrëmujën

Të qenit i rrethuar nga shumë gjëra mund të jetë dërrmuese dhe të kontribuojë në stres. Ajo sjell ankth kur nuk mund të gjesh bllokun e çeqeve, detyrat e shtëpisë së fëmijës suaj, ose faturën e shërbimeve. Pra, pak rrëmujë për më pak stres. Pastrimi është stërvitje e mirë dhe djeg më shumë se 250 kalori në orë.

Kosit barin

Prerja e barit mund të tingëllojë si punë, por aroma e barit të freskët mund t’ju bëjë të ndiheni më të relaksuar. Shkencëtarët thonë se kimikatet nga bari i ri i prerë mund të ndihmojnë në bllokimin e lirimit të hormoneve të stresit në tru.

Pini lëng portokalli

Pija që tashmë mund të jetë pjesë e rregullt e rutinës tuaj në mëngjes mund t’ju ndihmojë në mënyra të habitshme. Studiuesit thonë se vitamina C ndihmon njerëzit që të menaxhojnë stresin e tyre në mënyrë më efektive, duke ulur nivelet e hormoneve të stresit si kortizoli.

Këndo një këngë

Ngrini volumin e radios në makinë ose këndoni në dush. Pa marrë parasysh se sa stononi, këndimi ju bën të ndiheni më të lumtur. Anëtarët koralë të anketuar thanë se këndimi i vendosi ata në një humor më të mirë dhe i bëri ata të ndjehen më pak të stresuar.

Ecni

Ecja është një mënyrë e shkëlqyer për të lehtësuar stresin. Ndihmon trupin tuaj të prodhojë endorfinë – neurotransmetuesit në trurin tuaj që ju bëjnë të ndiheni mirë. Gjithashtu ju bën të përqendroheni, duke ju ndihmuar të harroni atë që ju bën të shqetësuar.

Përtypni çamçakëz

Çamçakëzi mund të bëjë më shumë se freskimi i frymës tuaj. Sipas hulumtimit, përtypja e tij redukton stresin dhe ankthin, si dhe përmirëson performancën mendore gjatë detyrave.

Kryeni marrëdhënie seksuale

Kur jeni të stresuar, lojërat mund të jetë gjëja e fundit në mendjen tuaj. Por seksi është një mënyrë e shkëlqyer për të lehtësuar tensionin dhe stresin. Seksi ul presionin e gjakut, rrit vetëbesimin dhe ndjenjat e intimitetit me partnerin tuaj.

Merr frymë thellë

Aromatherapy nuk është vetëm për Spa. Pa marrë parasysh se ku jeni, duke marrë një erë të thellë të livandos ose rozmarinës ju ndiheni më të relaksuar. Thithja e këtyre aromave ulë nivelet e kortizolit, të hormoneve të stresit. Frymëmarrja e thellë, ndihmon në qetësimin e gjithë trupit tuaj.

Përgatiti: Brikela Daci / Burimi / https://www.webmd.com

Artikuj të ngjashëm