Një 12 vjeçare nga Gjirokastra është zbuluar se kishte arritur në nivelin e 33 të lojës “Balena blu”.
Fëmija kishte 10 ditë pa ngrënë raportojnë zyrtarët e drejtorisë arsimore të qytetit dhe është pikasur nga shokët dhe shoqet e klasës. Nxënësit e shkollës kishin vënë re se 12- vjeçarja kishte plagë në trup dhe shfaqte shenja dobësie.
Emri i fëmijës nuk bëhet i ditur për mediat, por zyrtarë të drejtorisë arsimore thanë se rasti është denoncuar në polici. Mendohet se vajza kiste rënë viktimë “Balena blu” prej 14 ditësh.
Shumë fëmijë në të gjithë botën kanë humbur jetën për shkak të kësaj loje që përfundon me hedhjen nga pallatet, si misioni i fundit për t’u kryer.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
