Duhet specifikuar që këto janë fjalët bazike që shpesh përdoren nga fëmijët ndërsa ata ndërveprojnë me fëmijë të tjerë. Ndaj, nëse fëmija juaj dy vjeçar nuk i përdor këto fjalë në rutina të caktuara, mbase duhet të konsultoheni me një pediatër. Ka shumë arsye pse fëmija juaj nuk arrin të zhvillojë gjuhën normalisht (mund të jetë problem dëgjimi, problem në mekanikën e të folurit, shenja të hershme të problemeve të të nxënurit apo autizmit) ose mund të ndodhë që fëmijës suaj i vijnë të gjitha këto fjalë menjëherë. Gjithësesi, kjo është mosha ku duhen bërë vlerësime dhe nëse ka diçka që nuk shkon duhet të mendohet për ndërhyrjen e duhur. Sa më herët fillon ndërhyrja, aq më shumë efektive do të jetë.