A ju nervozon qëndrimi në radhë? Këtu janë 3 mënyra për të qëndruar të qetë gjatë kohës së pritjes së radhës dhe për ta bërë këtë kohë sa më produktive
Shumë shpesh, ndërkohë që jemi në radhë në një zyrë publike ose në spital për të paguar biletën shëndetësore, na duket sikur koha nuk ecën dhe se e vetmja zgjidhje mund të jetë gjetja e të bërit diçka. Shkurtimisht, një mënyrë për të shpërqendruar veten.
Më poshtë jepen 3 gjërat që mund të bëni gjatë kohës që jeni duke pritur në radhë, për të mos u mërzitur dhe për ta kaluar në mënyrë produktive, duke u angazhuar në aktivitete që pothuajse kurrë nuk keni kohë për t’i kryer.
- Qëndroni të informuar
Leximi i një gazete, qoftë në letër ose nga telefoni juaj, është një mënyrë e shkëlqyeshme për të kaluar kohën kur jeni në radhë. Blini gazetën që ju pëlqen, ose një revistë që merret me tema pas të cilave jeni të pasionuar, ose lexoni revista online ose kërkoni për artikuj mbi tema për të cilat doni të mësoni më shumë.
Ato që kanë të bëjnë me studimet tuaja, punën ose interesat tuaja janë më të mira, por në përgjithësi, informimi për atë që ndodh rreth nesh për të vazhduar me ngjarjet e tanishme nuk është kurrë një humbje kohe.
- Trajnoni mendjen tuaj
Trajnimi i mendjes gjatë kohës që jeni në radhë, mund ta bëjë kohën e pritjes mjaft të këndshme. Ju mund të zgjidhni midis gudoku dhe fjalëkryq, ose mund të shkarkoni në smartphonin tuaj një nga shumë lojërat që janë falas. Në këtë mënyrë ju do të shmangni nervozizmin dhe mërzitjen dhe do ta bëni më të frytshme kohën e kaluar në radhë.
- Bëni ushtrime stretching
Kohët moderne, pavarësisht nëse jeni një student, punëtor ose shtëpiake, imponojnë mbi ne ritmet e hidhura të jetës që shpesh na pengojnë që të jemi në gjendje të kryejmë një aktivitet të përshtatshëm fizik. Pra, ndërsa jeni duke pritur, ushtrimet e vogla dhe mbi të gjitha ato stretching mund të jenë një mënyrë e shkëlqyer për të tërhequr vëmendjen tuaj. Pas ditëve të gjata të kaluara në të njëjtin pozicion ose në pozicion jo të duhur do të jeni në gjendje të përfitoni prej tyre.
Nëse këto sugjerime nuk janë të mjaftueshme, informohuni për mundësinë e shmangies së radhës në tavolinën e ndihmës publike, në sajë të një aplikacioni që ju lejon të rezervoni direkt nga smartphoni, pa pasur nevojë të shkoni fizikisht. Kur vjen radha juaj, do të jetë aplikacioni që do t’ju njoftojë me njoftimin paraprak të nevojshëm për të lejuar që të arrini në kohën e duhur.
Burimi / corporate.ufirst.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
