Bota në të cilën jetojmë është e mbushur me inat e mëri, me shumë zili e xhelozi. Shpesh ndodh që një person afrohet dhe ju bën komplimenta që nuk janë të vërteta, apo bën komente mbi mënyrën se si silleni apo jeni veshur. Këta njerëz janë të ashtuquajturit “vampirë energjikë” ata që na marrin të gjithë energjinë ndërkohë që flasin.
Po si t’ia bëjmë që të ruajmë energjitë, në mënyrë që të tjerët t’i shterojnë ato? Kemi përzgjedhur tri këshilla…
Ekzistojnë mekanizma mbrojtës për të kontrolluar këta persona | Një strategji shumë efikase është të eliminojmë ndikimin që mund të kenë te ne. Mos hezitoni, për shembull, t’i përsërisni vetes që: “do të shterojnë energjitë e mia, vetëm nëse do t’ua lejoj unë ta bëjnë këtë gjë”.
Racionalizoni | Ka njerëz që kanë një zakon këmbëngulës për të folur vetëm për gjërat negative, se sa e keqe është jeta me ta. Një mënyrë për t’i ndalur ata është të racionalizoni me këmbëngulje: “në vend që të ankoheni, reagoni kundër çdo gjëje që nuk ju pëlqen”, “do të më pëlqente që të paktën një herë, të ishit të aftë të më flisnit për gjëra pozitive”.
Mësoni të thoni “jo” | Kjo strategji është e thjeshtë dhe efikase. Shpjegojini që në fillim vampirit tuaj emocional, se nuk keni kohë të dëgjoni kritikat e tij, që nuk jeni të gatshëm të bëheni pjesë e thashethemeve dhe, mbi të gjitha, nuk dëshironi në asnjë mënyrë që të keqtrajtoheni.
Për ta mbyllur, ekziston një moment kur duhet të kuptojmë nevojat tona, në mënyrë që të evitojmë që të tjerët të parazitojnë në jetën dhe qetësinë tonë. Duke qenë se nuk është gjithmonë e mundur të rrethohemi vetëm nga njerëz të ekuilibruar e të lumtur, duhet të mësojmë të sillemi me respekt dhe maturi me ata persona që na ekspozojnë ndaj uraganëve emocionalë, por duke qenë gjithmonë të sigurt e të vetëdijshëm për atë çka dëshirojmë.
Përgatiti: Manjola Ereqi | Botuar në Revistën “Psikologjia”, Nr. 128
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
