Problemet në jetë gjithmonë do të jenë të pranishme. Ne e dimë se nuk është e lehtë t’i kapërcejmë problemet, kështu që dëshirojmë t’ju ndihmojmë dhe në këtë artikull do t’ju sugjerojmë disa fjali të vogla që duhet t’i përsërisni sa herë që keni ndonjë problem në jetën tuaj.
- Mund ta arrij
Hapi i parë në afrimin e gjërave që ëndërroni është të kesh besimin se mund të arrihet. Përsëritni “Mund ta bëj”, “nuk është e pamundur”, sa herë që hasni zhgënjim ose dëshpërim. Mos harroni se asgjë nuk është e pamundur, se gjithmonë ekziston një mënyrë për të marrë atë që duam, edhe nëse nganjëherë nuk është mënyra se si e planifikojmë.
- Unë ju fal, më fal
Ndoshta një nga gjërat më të vështira që duhet të bëjmë në jetë është të kërkojmë falje, por edhe më e vështirë është t’i falim ata që na lëndojnë. Falja është një forcë e fuqishme që na shtyn përpara, gjë që na lejon të ecim përpara pa qenë pre e lidhjeve të dëmshme.
- Unë dua ta bëj këtë
Nuk ka zgjidhje nëse nuk ka qëllime të vërteta. Për të kapërcyer problemet që hasni në jetën tuaj ju duhet të doni vërtetë t’i ndryshoni dhe jo vetëm ta thoni. “Unë dua ta bëj atë”, “Unë mund ta bëj” dhe “Unë do ta bëj” janë tri fjali që nuk duhet t’i harroni kurrë.
- Qetësia është një virtyt
Dëshpërimi nuk ndihmon për të zgjidhur problemet tona, nuk na lejon t’i shohim gjërat në mënyrë të qartë dhe të gjejmë një zgjidhje për atë që na shqetëson. Nëse doni t’i tejkaloni përgjithmonë të gjitha konfliktet në jetën tuaj, ju duhet të përsërisni me vete “qetësia është një virtyt”. Duke kujtuar këtë do t’ju ndihmojë t’i shihni gjërat nga një pikë më realiste, prandaj mos hezitoni ta zbatoni.
Burimi / emozionifeed.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
