Jeta e përditshme shpesh na bën që të jetojmë momente tensionesh dhe stresi, kjo gjë na bën të jemi në ankth. Për fat të keq, kur ankthi bëhet pjesë e jetës sonë nuk është gjë e mirë. Shpesh ndodh që duhet të jetojmë me këtë çdo ditë dhe për pasojë nuk mund të jemi të qetë.
Ndonjëherë edhe bërja e gjërave të vogla mund të duket shumë e komplikuar, madje e padurueshme. Dështimi për t’iu përgjigjur asaj që po ndodh tek ne e përkeqëson më tej gjendjen dhe shkakton sulme paniku. Njerëzit që vuajnë nga ankthi dhe sulmet e panikut pyesin se pse reagimet e pakontrolluara ndodhin papritur dhe pa ndonjë arsye të dukshme.
Ky është pikërisht rasti, këta njerëz posedojnë karakteristika që nuk i kanë të tjerët, të cilat çojnë në shpërthimin e ankthit dhe sulmeve të panikut. Le të shohim së bashku se cilat janë karakteristikat e njerëzve që vuajnë nga ankthi:
- Koeficienti i lartë intelektual
Njerëzit që janë në gjendje të reflektojnë thellë mbi një temë, mund të krijojnë ankth më lehtë se ata që marrin gjërat me sportivitet. Duke reflektuar për diçka në detaje mund të shkaktojë ankth dhe stres, dhe rrjedhimisht sulme paniku.
- Më shumë përgjegjësi
Njerëzit që vuajnë nga ankthi kanë aftësinë për të parashikuar situata të rrezikshme, kjo çon në aktivizimin e disa sensorëve të trurit që na bëjnë të ndihemi të përgjegjshëm për çdo pasojë.
- Gjykimi
Ata mund t’i kuptojnë më mirë të tjerët, analizojnë secilin person për të parë nëse mund të besohen. Kështu që ata i vëzhgojnë me kujdes fjalët dhe sjelljet për të shmangur grindjet.
- Empatia dhe dhembshuria
I kuptojnë mirë gjendjet e të tjerëve. Kështu ata hyjnë në harmoni me njerëzit me të cilët ata merren dhe ndajnë dhimbjen dhe frustrimin e tyre. Përfundimi është se njerëzit e shqetësuar nuk janë të sëmurë, por njerëz të veçantë me karakteristika të veçanta.
Burimi / www.alfemminilemagazine.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
