Ne jetojmë në një epokë që sipas studimeve dhe statistikave, përshpejton dhe prodhon sëmundje të ndryshme të tilla si stresi, ankthi, sulme paniku. Njerëzit që vuajnë nga ankthi mund të buzëqeshin kur të lexojnë titullin e këtij artikulli.
Në të vërtetë, nuk duhet të harrojmë se kjo gjendje përjetohet nga individi gjithmonë me vetëdije dhe paaftësia për t’iu përgjigjur simptomave që e shkaktojnë, prodhon vuajtje të mëdha. Pra, çfarë do të thotë se ata që vuajnë nga çrregullime ankthi mund të kenë karakteristika të veçanta dhe cilësi të caktuara?
Kjo do të thotë se sëmundjet nga të cilat vuajnë, në një farë mënyre, mund të varen nga këto cilësi të pazakonta ose në çdo rast i kanë rafinuar ato. Gjendja e tyre e brendshme përcakton një gjendje të vazhdueshme gatishmërie dhe kjo i shtyn njerëzit që të shqetësohen më shumë për atë që ndodh rreth tyre.
Disa studime të kryera për njerëzit që vuajnë nga sëmundjet e lidhura me ankthin kanë gjetur një seri karakteristikash të veçanta që mund të përmblidhen si më poshtë:
1- Një IQ shumë të zhvilluar
Një seri studimesh të kryera nga Prof. Coplan i Universitetit Shtetëror të Nju Jorkut theksuan marrëdhënien e ngushtë midis një IQ të lartë dhe çrregullimeve të lidhura me ankthin. Në veçanti, individët me inteligjencë më të madhe janë në gjendje të pasqyrojnë më hollësisht ngjarjet dhe kjo do të çonte në një shqetësim më të madh.
2- Ndjenjë më e madhe përgjegjësie
Kuptohet si aftësia për të shqyrtuar dhe parashikuar situata potencialisht të dëmshme dhe të rrezikshme. Njerëzit e shqetësuar kanë aftësinë për të aktivizuar në mënyrë spontane disa “sensorë” që mund të zbulojnë situata potencialisht të dëmshme dhe kjo automatikisht përkthehet në një ndjenjë më të madhe përgjegjësie.
3- Shkathtësi të larta gjykimi
Njerëzit e shqetësuar kanë një intuitë të fortë që i favorizon ata për të kuptuar të tjerët. Një aftësi për të analizuar dhe perceptuar, nëse sjellja udhëhiqet nga mosinteresimi ose nga një qëllim i paqartë. Një dhuratë që nuk lehtëson perceptimin e ankthit, por e dobishme, për t’i plotësuar ata që kanë lidhje me të.
4 – Empatia e madhe dhe ndjenja e dhembshurisë
Personi i shqetësuar është në gjendje të perceptojë në një mënyrë më delikate dhe më të rafinuar dhe kjo i lejon ata të hyjnë në harmoni të thellë me bashkëbiseduesin. Mbi të gjitha ndaj atyre që vuajnë dhe po përjetojnë situata të shqetësimit dhe dhimbjes.
Në përfundim, duam të theksojmë se ky artikull, nuk synon të zvogëlojë ose nënvlerësojë gjendjen e njerëzve të shqetësuar, por të ofrojë disa reflektime pozitive me shpresën se do të jenë inkurajuese për ta.
Burimi / ognigiornomagazine.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
