Të jetoni shëndetshëm nuk është aq e vështirë sa duket dhe përmirësimi i shëndetit shpesh kërkon përkushtim për të ndryshuar zakonet e përditshmërisë.
Flini mirë e çlodhuni
Në Amerikën Latine shumë njerëz shkojnë në shtëpi gjatë pushimit të drekës. I lejojnë vetes të ashtuquajturën gjumin e pasdrekës, që nuk është gjë tjetër veçse një dremitje e shkurtër. Sipas një studimi, njerëzit që sistematikisht flenë disa minuta gjumë gjatë ditës kanë 37% më pak rrezik të vdesin nga sëmundjet kardiovaskulare. Gjumi i pasdrekës bën të mundur uljen e tensionit të gjakut dhe zvogëlon prodhimin e kortizolit, një hormon që modulon stresin.
Stërvisni trurin
Në kundërshtim me atë çka besojmë të gjithë, truri nuk plaket paralel me trupin, nëse e stërvisni atë. Lexoni, merrni mësime muzike apo gjuhësh të huaja dhe kultivoni pasione të reja, pasi kjo gjë ndihmon trurin të mos plaket e të jetë i shëndetshëm. Disa studime kanë vërtetuar se disa lloje videolojërash mund t’i ndihmojnë të moshuarit ta mbajnë trurin në aktivitet të vazhdueshëm.
Bëni aktivitet fizik
Të gjithë e dimë që ushtrimi fizik është një përbërës kyç për të qenë të shëndetshëm. Një studim i fundit ka nxjerrë në pah se po të ecni me ritëm të moderuar gjatë ditës, ndihmon të parandaloni tensionin e lartë, kolesterolin diabetin dhe sëmundjet koronare. Krahasuar me forma të tjera të ushtrimeve fizike, e ecura nuk kërkon ndonjë sforco të madhe dhe mund të përfitoni shumë prej saj, pasi ul nivelin e sheqerit në gjak, përmirëson tretjen, përmirëson humorin dhe cilësinë e gjumit.
Konsumoni fruta e perime
Një dietë e pasur me fruta e perime mund të ndihmojë të parandaloni shumë sëmundje, mes të cilave tumorin e fshikëzës, të prostatës, kancerin e gjirit, si dhe sëmundjet kardiovaskulare.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
