Në njëfarë kuptimi, ato kanë funksion të na mbrojnë, por shpesh ne japim atyre më shumë fuqi sesa duhet, dhe kështu ato na mbyllin gjithnjë e më shumë brenda vetes.
Secila prej frikërave tona ka një mësim për të na dhënë, një e vërtetë që do të transformojë mënyrën se si e shohim botën. Kur gjejmë guximin për t’u përballur me këtë botë të veçantë dhe zbulojmë gjithçka që ajo përmban, gjejmë mundësi të mëdha për ta transformuar jetën tonë për mirë.
Çdo person ka frikën e vet, në varësi të personalitetit dhe asaj që duhet të tejkaloj të evoluojë, por ka disa frika që janë të përbashkëta për shumicën dërrmuese.
Më poshtë tregojmë 5 frikëra të përbashkëta që mund të jenë aleatë të mëdhenj në ndryshimin tonë të jetës.
Lexoni me kujdes secilën prej tyre, identifikoni ato që janë të pranishme në jetën tuaj dhe se çfarë duan t’ju tregojnë në të vërtetë.
- Frika nga ndryshimi
Frika e ndryshimit është e motivuar në pjesën më të madhe nga rehatia që ne përjetojmë kur jemi në një mjedis familjar që nuk ofron sfida. Megjithatë, përmes ndryshimeve ne rritemi dhe zbulojmë botën ashtu siç është.
Mohimi i ndryshimit na privon nga evolucioni dhe shpesh na bën të pakënaqur nga jeta. Nuk është gjithmonë e lehtë të dalim nga zonat tona të rehatisë, por përmes kësaj ne mund të rritemi dhe të bëhemi versioni më i mirë i vetes.
- Frika nga të qenit vetëm
Kjo frikë, në shumicën e rasteve, nxitet nga ndjenjat e pasigurisë që jetojnë brenda nesh. Ne nuk besojmë se jemi mjaft të mirë për të pasur një marrëdhënie me një person tjetër dhe kështu vendosim të mbetemi vetëm, edhe kur dëshirojmë të kemi një shans.
Nëse ke frikë të jesh vetëm, do të thotë që duhet të forcosh vetëbesimin tënd. Kur mëson të jesh në paqe me shoqërinë tënde, do të kuptosh se sa do të përmirësohet jeta jote dhe do të kuptosh se kur jeton mirë me veten, nuk do të jesh kurrë vetëm.
Kjo frikë ju ofron mundësinë të bëheni më të pavarur dhe të ecni në rrugën tuaj.
- Frika për të mbrojtur atë që besoni
Nevoja për të marrë miratimin nga njerëzit rreth nesh shpesh mund të na dekurajojë që të mbështesim atë që vërtet besojmë, edhe kur kemi të drejtë dhe mund të kontribuojmë në diçka.
Kjo frikë mund të ketë lindur në familjen tuaj, kur ju jeni përjashtuar për të thënë atë që keni menduar, por është e rëndësishme të jeni autentik, sepse shumë njerëz nuk pajtohen me ju, kështu që ju mund të ndërtoni marrëdhënie të shëndetshme për veten tuaj.
Kjo frikë ju jep mundësinë të shprehni veten tuaj të vërtetë dhe ju tregon se nëse jeni të vërtetë, dyert e transformimit të jetës do t’ju hapen.
- Frika nga përpjekja
Frika e përpjekjes lidhet me frikën e dështimit. Megjithatë, të gjitha rezultatet e fituara, gjithçka që funksionon në botë, është arritur pas një serie dështimesh.
Kjo frikë ju nxit të shikoni për atë që dëshironi me të vërtetë në jetë. Përdoreni atë për të gjetur se çfarë doni të arrini, por mos u mendoni. Filloni të përpiqeni!
- Frika nga refuzimi
Kur nuk përshtatemi me modelet e paracaktuara nga shoqëria, mund të zhvillojmë frikën e refuzimit. Megjithatë, ne duhet të kuptojmë se refuzimi nuk pasqyron atë që jemi me të vërtetë. Një person tjetër ose faktorë të jashtëm nuk mund të diktojnë vlerën tonë.
Kjo frikë është një mundësi për ju të punoni për veten tuaj. Duke nxjerrë në pah të gjitha gjërat që ju mbrojnë nga të qenit version më i mirë i juaji, ju tregon se ku mund të përmirësoni të transformoni jetën tuaj.
Përgatiti: Brikela DACI | Burimi / emozionifeed.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
