A i njohim vërtet personat rreth nesh? Këtu janë 5 llojet e njerëzve ziliqarë me të cilët jetoni, por që ndoshta nuk i njihni
Zilia është sigurisht një nga ndjenjat më negative, e cila prek të dy palët e përfshira. Para së gjithash personi që është objekt i kësaj forme, i cili mund të marrë konture të rrezikshme, së dyti ata që ushqejnë këtë gjendje mendore: ziliqarët.
Ata që janë të zhytur plotësisht nga zilia shkojnë aq larg sa nuk janë në gjendje të mendojnë dhe jetojnë jetën e tyre, si dhe të dëmtojnë fuqishëm personin të cilit i drejtohen.
Zilia është një armik i rrezikshëm
Nuk është gjithmonë e lehtë të njohësh ata që vuajnë nga kjo formë e çrregullimit të humorit, sidomos kur personi ziliqar është pjesë e familjes ose rrethit të miqve. Të jesh në gjendje ta njohësh atë në kohë mund të jetë ndihmë e madhe për veten, por gjithashtu, nëse mund t’i flasësh për të, atij që e ushqen.
Pesë llojet e ziliqarëve
- Lojtarë konkurrues të padurueshëm
Ndoshta janë më të lehtë për t’u identifikuar, sepse qëndrimi i tyre është i dukshëm, jo i maskuar. Është personi që përpiqet të tregojë në çdo rast të jetë një hap përpara, për të marrë rezultate më të mira. Këta njerëz ziliqar kurrë nuk e humbasin mundësinë për të treguar fuqinë ose talentin e tyre, pothuajse patetik!
- Sarkastik
Ata që shmangin konkurrencën e hapur, por përpiqen me fjalë dhe qëndrim për të pakësuar rezultatet e atyre që kanë zili. Ata përdorin sarkazmën, për poshtërim; shpesh duke i lënë viktimat e tyre të befasuar nga aq shumë zili dhe ligësi.
- Xheloz
Ata janë njerëz që nuk konkurrojnë, as nuk e lejojnë veten të shkojnë në qëndrime sarkastike. Madje në fillim ata mund të duken të sinqertë, të interesuar për personin tjetër. Ata janë gjithmonë të pranishëm, ndonjëherë të zhytur në mendime, ata bëjnë çmos për të këshilluar kundër rreziqeve ose situatave të papritura. Pastaj, sa më shpejt që gjërat të shkojnë ashtu siç kishin shpresuar, ata e zhytin ndjenjën e tyre të zilisë me konsideratën klasike “Unë ju thashë kështu”…!
- Pesimistë
Ata që pas njëfarë kohe, i bëjnë njerëzit të bëjnë komente sapo të shfaqen. Gjithmonë negativ, vazhdimisht e shohin gotën gjysmë bosh. Nëse, rastësisht, ata mësojnë për një sukses të papritur, ata shpejt e përkufizojnë atë si një rastësi të pastër.
- Të hapur
Ata janë njerëz që nuk i fshehin emocionet e tyre dhe e përhapin helmin me të dyja duart. Ata sigurisht janë më të lehtë për t’u zbuluar, por jo më pak të dëmshëm!
Burimi / www.giornodopogiorno.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
