Keni dhimbje fyti? Keni provuar medikamente të ndryshme dhe nuk ju kanë bërë efekt?

Gjyshet ose nënat me siguri ju kanë këshilluar trajtime të përgatitura në kushte shtëpie, të cilat rezultojnë të jenë mjaft efikase në largimin e dhimbjes së fytit, kruajtjes apo djegies së tij. Nëse nuk i dini, ne ju sugjerojmë pesë prej tyre:

Kripë dhe ujë. Bërja e gargarës me një përzierje kripë dhe ujë është një nga mjetet më të vjetra për të lehtësuar një dhimbje të fytit. Ky ilaç ndihmon për thithjen e ujit nga qelizat mukoze, të cilat bëhen të përflakura kur një infeksion është i pranishëm. Keni nevojë për një lugë çaji kripë, që të shkrihet në një gotë ujë në temperaturën e dhomës. Bëni gargarë për të paktën 40 sekonda. Mos e përdorni përzierjen më shumë se 3 herë në ditë.

Mjaltë blete. Një nga antibiotikët më të fuqishëm natyrorë në botë është mjalti i bletës. Ky përbërës shkatërron mikroorganizmat përgjegjës për infeksione, qetëson kollën dhe simptoma të tjera të të ftohtit. Miksoni 2 lugë mjaltë me lëngun e gjysmë limoni. Ju mund ta holloni përzierjen në një gjysmë gotë ujë të ngrohtë, ose ta konsumoni atë pa ujë. Është sugjeruar që ta konsumoni atë dy herë në ditë.

Mjaltë dhe kanellë. Kombinimi i këtyre dy përbërësve është një ilaç i shkëlqyeshëm për të pastruar fytin, duke eliminuar viruset që shkaktojnë acarim dhe infeksion. Kanella ka veti të shkëlqyera antioksiduese dhe antiseptike. Miksoni 2 lugë mjaltë me 1 lugë çaji pluhur kanelle. Shkrijini të dy përbërësit në një gotë me ujë të ngrohtë dhe pije.

Hudhër. E përdorur në gatim, hudhra është gjithashtu një nga antibiotikët më të fuqishëm natyrorë në botë. Ajo shkatërron qindra viruse dhe baktere dhe stimulon pastrimin e traktit respirator. Konsumoni hudhër të papërpunuar për të shijuar vetitë e saj.

Xhinxher. Rrënja e xhenxhefilit është një nga produktet më të fuqishme natyrore në botë. Është antiinflamator, analgjezik dhe ka vetitë antibiotike që nxisin eliminimin e patogjenëve që shkaktojnë sëmundje. Vloni një copë rrënjë xhenxhefil në një filxhan ujë, filtrojeni dhe pijeni.

Burimi Gazeta Shqiptare Online