Mbajtja e shtëpisë nuk është e lehtë, midis punës, familjes dhe angazhimeve të shumta: këtu janë disa këshilla për t’i bërë punët shpejt dhe mirë.
Është e panevojshme ta fshehësh: mbajtja e shtëpisë të pastër dhe të rregullt është e lodhshme, aspak e kënaqshme dhe gjithashtu merr kohë të vlefshme për t’ia kushtuar familjes, miqve dhe së fundi, por jo për nga rëndësia, vetes tonë. Këtu janë disa rregulla të vogla dhe të thjeshta për pastrimin e shtëpisë. Duke përsëritur disa nga truket e gjysheve ne do të kemi një organizim të patëmetë dhe disa orë të tjera të lirisë së merituar.
Me pranverën vjen çdo vit dëshira për të rivendosur rendin dhe për të rifreskuar mirë shtëpinë. Kini kujdes: me truket e vogla ne mund të lehtësojmë lodhjen dhe të kursejmë kohë.
Rregulli numër një: Rregulli! Gjëja e parë që duhet bërë në fillim të një seance pastrimi është të organizoni hapësirën. Nga ana tjetër, nëse është e vërtetë se çdo gjë ka vendin e saj, për të kursyer kohë dhe përpjekje, rendi është me të vërtetë themelor. Çdo gjë që përdorni, duke përfshirë pajisjet pastruese, duhet të ruhen siç duhet pas përdorimit. Mjaft me çorape të shpërndara kudo, këpucë para divanit, kartela dhe sende të padobishme (por kush e di se prej nga vijnë!) që hidhen në tavolinën e kuzhinës, me tharëse flokësh dhe krehra të mbetur në lavaman: pastrimi do të jetë shumë më i shpejtë.
Rregulli numër dy: Dhomë për dhomë. Për të proceduar në mënyrë sistematike dhe pa humbur kohë duke ecur lart e poshtë shtëpisë, ju duhet të pastroni nga një dhomë. Nëse duam të shmangim përpjekjet titanike, ne gjithmonë duhet ta lëmë kuzhinën në rregull, të pastrojmë tryezën dhe lavamanin. Në banjë duhet të mbajmë brushat, furçat dhe kozmetikën në vendin e tyre, duke i vendosur peshqirët në vendin e tyre dhe rrobat po ashtu. Në dhomën e gjumit është e ndaluar të lini krevatin e parregulluar deri në mbrëmje: përveç pluhurit të çarçafëve, e bën ajrin e ndotur dhe duket një organizim i brendshëm i keq.
Rregulli numër tre: Rregullsia. Nuk është e rëndësishme frekuenca që zgjedhim, një herë ose dy herë në javë, vetëm fundjava ose nga pak çdo ditë: ajo që ka rëndësi është të mbash ritmin e duhur. Rregullsia është e rëndësishme sepse na ndihmon të mbajmë nën kontroll situatën dhe të organizojmë veten.
Rregulli numër katër: nga lart-poshtë. Për cilëndo dhomë që flitet, gjëja kryesore që duhet të keni parasysh është se punët kanë rregullin e tyre, nga lart poshtë. Është më mirë që fillimisht të merrni pluhurat, i cili më pas do të bjerë në dysheme dhe pastaj t’i përkushtoheni larjes së dyshemesë.
Rregulli numër pesë: Sytë te lecka. Kur fshini pluhurin, qofshin raftet ose llambat, mos harroni kurrë se është më mirë të hiqni pluhurin me një leckë të thatë dhe pastaj t’i bini me një të lagët. Në fakt, nëse sipërfaqet që duhet të pastrohen janë veçanërisht të pluhurosura, nëse nuk bëjmë së pari me leckë të thatë rrezikojmë “zvarritjen” e fëlliqur kudo, me pasojat e padëshiruara të ndotjes së murit ose sipërfaqeve fqinje: një çështje me prioritet…
Burimi / www.gazeta-shqip.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
