Kur qielli është gri në mëngjes, edhe pse shtëpia është plot diell, kur hapat e saj humbasin butësinë dhe këmbët duken si plumb dhe kur nuk gjen një arsye për të buzëqeshur edhe nëse provon, ajo grimcë e tërhequr në fytyrën e saj nuk quhet buzëqeshje. Kur ajo humbet ngjyrat është një femër emocionalisht e lodhur.
Roli i tyre, midis punës, familjes, fëmijëve, shpesh i bën ato një shtyllë të jetës shoqërore, duke mbajtur një ngarkesë që përfundon në shterjen e tyre emocionale. Kur duhet të ndizen kambanat e alarmit? Kur duhet ta ndalojë një grua këtë vorbull?
Pse një grua është e lodhur emocionalisht?
Më poshtë jepen kushtet dhe qëndrimet që i shtyjnë gratë, madje edhe pa vetëdije, drejt një gjendje të lodhjes së madhe psikologjike.
- Nuk kërkojnë ndihmë
Gratë vështirë se kërkojnë ndihmë, ato janë mësuar të marrin shumë punë dhe angazhime vërtet të jashtëzakonshme. Për ta bërë këtë ato gjithashtu kanë tendencë të shtypin emocionet e tyre, duke përfunduar në një rrugë qorre nga e cila e kanë të vështirë të dalin.
- Japin pa pritur asgjë në këmbim
Procesi që e shtyn një grua në këtë drejtim dhe e bën atë të ndihet e lodhur emocionalisht është për shkak të mënyrës së saj të të menduarit, të dhënies së vetvetes. Të dhënies pa pritur asgjë në këmbim. Por në afat të gjatë, edhe ky litar mund të prishet!
- Personat që e rrethojnë
Predispozicioni i grave për të dhënë pa kërkuar asgjë në këmbim, duke i shtyrë ata drejt ezaurimit, është gjithashtu për shkak të qëndrimit të atyre që kanë pranë tyre. Në fakt, fëmijët, burrat dhe të afërmit shpesh besojnë se kjo është normale dhe për arsye ata nuk pyesin nëse është vërtetë mirë apo jo.
- Nuk e shprehin sikletin
Rrallë herë një grua ndjen dhe dëshiron të jetë e fortë të shprehë sikletin e saj. Ajo bind veten se ajo gjendje është diçka normale, derisa forcat ta lënë atë dhe lodhjes psikologjike dhe emocionale të shpërthejnë plotësisht.
- Kanë tendencë të rezistojnë deri në fundin e hidhur
Edhe kur lodhja do të këshillonte ndalimin e këtyre ritmeve të jetës dhe kësaj barre psikologjike, një grua është e prirur të rezistojë deri në fund të hidhur, duke besuar që ndoshta diçka mund të ndryshojë papritmas.
- Bëhen viktimë e vetvetes
Një grua që ndjen simptomat e lodhjes në një mënyrë normale dhe të kuptueshme, shpesh përfundon duke u bërë viktimë. Kur ajo nuk kërkon ndihmë, ajo përfundon duke i dhënë vetes një imazh jo vetëm të gabuar, por edhe një bashkëpunëtor të lodhjes së saj emocionale. Kështu që gra, ndaloni. Kur ngjyrat mbarojnë një e nga një, kur nuk lind më dielli në dhomën tuaj, kur bie shi brenda, ndaloni. Dhe mbani mend që një grua nuk është emocionalisht e lodhur sepse është e brishtë, por sepse ka qenë e fortë për shumë kohë.
Burimi / https://www.giornodopogiorno.org/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
