Mango është një frut tropikal i vlerësuar shumë për shijen e tij të ëmbël dhe strukturën e butë dhe me lëng. Ky frut i shijshëm kënaqë shqisat e shijes së të rriturve dhe fëmijëve. E pasur me ngjyra dhe shije, mango është gjithashtu shumë ushqyese.
Mango është e pasur me polifenole që kanë efekte të dobishme antioksiduese në trup. Këto zvogëlojnë efektet e dëmshme të radikalëve të lirë dhe për këtë arsye ngadalësojnë plakjen qelizore. E konsideruar si një ushqim që sjell mirëqenie, mango ofron shumë përfitime për trupin.
Mango është në vendin e dytë në listën e frutave tropikale më të njohura në botë, pas bananeve. Sidoqoftë, ajo nuk është më pak e shkëlqyeshme për trupin. Këtu janë të gjitha avantazhet e saj:
- Parandalon sëmundjet që lidhen me moshën
Falë përmbajtjes së komponimeve fenolike, ky frut mbron qelizat e trupit të njeriut nga dëmtimet e shkaktuara nga stresi oksidues. Si rezultat, mango mbron trupin nga zhvillimi i sëmundjeve të ndryshme të lidhura me moshën, siç janë sëmundjet e veshkave dhe mushkërive ose çrregullimet degjenerative. Sipas Akademisë Botërore të Shkencave, është mangiferina, një përbërës që gjendet tëk ky frut, ajo që ka shumë veti terapeutike.
- Përmirëson sistemin imunitar
Mango përmban shumë lëndë ushqyese, përfshirë vitaminat A, C, B dhe E. Përveç kësaj, ajo i siguron trupit një burim bakri. Në një hulumtim të kryer në laborator, shkencëtarët nxorën në pah rolin e vitaminës A për të promovuar sistemin imunitar. Vitamina C është e njohur edhe për potencialin e saj imunostimulues.
- Promovon humbjen e peshës
E shijshme, mango nuk është fruti i parë që mendojmë kur duam të humbim peshë. Në fakt, shija e saj e ëmbël mund të shkojë kundër përfaqësimit tonë të një ushqimi me kalori të ulët. Mango është e pasur me fibra dietike dhe vitaminë C dhe ka vetëm 64 kalori në 100 gram. Në të vërtetë, një studim ka treguar se fibrat e frutave, përfshirë edhe mango, kontribuojnë në kontrollin dhe humbjen e peshës.
- Mbron zemrën
Falë përmbajtjes së mangiferinës, mango mbron qelizat e zemrës nga dëmtimet e mundshme. Një studim mbi brejtësit tregon se ky përbërës ka një veprim të fuqishëm për të ruajtur shëndetin e zemrës. Këto rezultate mund të shpjegohen nga aftësia e mangiferinës për të ulur nivelin e kolesterolit dhe triglicerideve në gjak.
- Përshpejton tretjen
Çrregullimet e tretjes mund të ndryshojnë dukshëm cilësinë e jetës së atyre që vuajnë prej saj. Por falë fibrës së saj të tretshme, mango mund të përshpejtojë procesin e tretjes. Në të vërtetë, një eksperiment shkencor tregon se konsumimi i këtij fruti të pasur me pektin përshpejton tranzitin e zorrëve dhe lufton kapsllëkun.
- Kujdeset për sytë
Mango përmban lutinë dhe zeaxanthin, dy komponime me kapacitet antioksidues. Këto pigmente që japin ngjyra për frutat dhe perimet kanë qenë objekt i studimeve të shumta. Prandaj, duket se luthein dhe zeaxanthin mbrojnë sytë dhe parandalojnë degjenerimin makular të lidhur me moshën.
- Përmirëson cilësinë e flokëve dhe lëkurës
Mango është e pasur me vitaminë C, një përbërës thelbësor për flokë të bukur dhe lëkurë të shëndetshme. Në fakt, kjo vitaminë rrit prodhimin e kolagjenit, duke e lejuar atë të ofrojë më shumë elasticitet në lëkurë. Për më tepër, vitamina A që përmban mango promovon rritjen e flokëve dhe i mbron nga agresionet e jashtme.
Kujdes:
– Nuk këshillohet të hani mango nëse merrni ilaçe antikoagulante.
– Në rast alergjie, këshillohuni me mjekun tuaj përpara se të konsumoni mango.
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
