Depresioni nuk ndodh vetëm me çrregullimet e humorit. Këto simptoma psikosomatike janë ato që krijojnë probleme tek ai që vuan.
- Çrregullimi i gjumit
Pagjumësia dhe ndërprerja e gjumit është një simptomë e shpeshtë në pacientët me depresion.
- Dhimbje kraharori
Nëse jo për shkak të sëmundjeve të zemrës ose sëmundjeve të mushkërive, kjo mund të jetë një shenjë e depresionit. Dhimbja është një simptomë shumë e zakonshme psikosomatike e sëmundjes mendore.
- Lodhja
Nivelet e reduktuara të energjisë mund të jenë një pararendës i depresionit nëse ato nuk janë për shkak të mungesës së gjumit . Është një rreth vicioz, ku një problem intensifikon tjetrin.
- Dhimbjet e muskujve
Ashtu si në rastin e dhimbjeve të gjoksit, dhimbjet kronike rrisin rrezikun e depresionit . Studimet tregojnë se njerëzit që vuajnë nga depresioni kanë tre herë më shumë gjasa për të zhvilluar dhimbje kronike.
- Çrregullime të tretjes
Funksioni i trurit prek drejtpërdrejt funksionin gastrointestinal dhe anasjelltas. Kjo është arsyeja pse ne kemi dhimbje stomaku ose nauze kur kemi stres ose shqetësime intensive. Kështu, depresioni mund të shkaktojë një tendencë për të vjella, dispepsi, diarre ose kapsllëk.
- Dhimbje koke
Dhimbjet kronike të kokës janë një simptomë e zakonshme në pacientët me depresion. Studimet tregojnë se në depresion të rëndë, pacientët përjetojnë një rrezik tre herë më të lartë të dhimbjes kronike dhe migrenës.
- Mosfunksionimi seksual
Depresioni redukton ndjeshëm gjendjen seksuale. Në të njëjtën kohë, pacientët me depresion kanë më shumë gjasa të kthehen në abuzime me alkool ose drogë, faktorë që përkeqësojnë problemin.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
