Të dhënat shkencore tregojnë se nga viti 2000 deri në vitin 2015, përdorimi i antibiotikëve nga njeriu u rrit me 40-60 %. Sipas ekspertëve, nëse gjërat vazhdojnë me këtë ritëm, deri në vitin 2050 numri i të sëmurëve nga rezistenca ndaj antibiotikëve do të arrijë në 10 milionë.
Situata tregon qartë se njerëzit po përdorin më shumë antibiotikë seç duhet. Nëse bakteret bëhen më rezistente, pra antibiotikët nuk bëjnë efekt, atëherë njerëzimi do të vuajë pasojat.
Rezistencë e infeksioneve ndaj antibiotikëve
Shumë njerëz në botë po vdesin çdo vit si pasojë e baktereve që janë rezistentë ndaj antibiotikëve. Kjo rezistencë krijohet nga keqpërdorimi dhe tej përdorimi i antibiotikëve, por edhe për faktin se antibiotikët gjenden edhe në ushqim, veçanërisht në produktet e mishit dhe bulmetit. Rezistenca ndaj antibiotikëve mund të shkaktojë shumë sëmundje që prekin fëmijët dhe të rritur.
Ministria e Shëndetësisë ka deklaruar se përgjatë vitit 2018 do të bëhet monitorimi i të gjithë rrjetit të farmacive për të ndaluar dhënien e antibiotikëve pa recetë.
Infeksionet kërkojnë më shumë kohë për t’u larguar
Për shkak të përdorimit të antibiotikëve, njerëzit e prekur nga infeksionet shërohen më ngadalë. Infeksionet urinare dhe pneumonia trajtohen me më shumë vështirësi. Antibiotikët që deri më tani përdoreshin kundër infeksioneve urinare, nuk janë më efikasë.
Alergjitë dhe astma
Ekspozimi ndaj antibiotikëve ka dyfishuar rrezikun e astmës për fëmijët dhe rritjen me 50 % të alergjive si pasojë e pluhurit dhe polenit thonë studimet.
Dehidratimi
Diarreja është një efekt anësor i fortë i antibiotikëve. Ky problem mund të shkaktojë probleme të tjera siç janë dehidratimi dhe prishja e ekuilibrave të elektroliteve.
Lodhja kronike
Përdorimi i antibiotikëve mund të shkaktojë plogështi dhe lodhje kronike që largohet me vështirësi. Kjo konfirmohet nga shumë pacientë që thonë se pas marrjes së antibiotikëve ndihen më të lodhur dhe më të pafuqishëm.
Ënjtje dhe nxirje të gjuhës
Amoksicilina është një antibiotik që shkakton ënjtje dhe nxirje të gjuhës. Përpos kësaj, efektet anësore të këtij antibiotiku janë diarreja, dhimbjet e barkut, të vjellat, dhimbje koke e të tjerë. Këshillohet që ky antibiotik por edhe të tjerët duhet të merren patjetër me rekomandimin e mjekut.
Çrregullime të ciklit menstrual
Përdorimi i antibiotikëve shkakton çrregullime të ciklit menstrual tek femrat. Antibiotikët dhe hormonet përpunohen nga mëlçia dhe ilaçet ndikojnë në metabolizimin e estrogjenit tek femrat. Prishja e këtyre ekuilibrave nga antibiotikët manifestohet menjëherë me çrregullime të tilla.
Probleme mendore
Një sërë antibiotikësh shkaktojnë dëmtime nervore të pariparueshme. Përdorimi i tyre shoqërohet me efekte anësore si depresioni, mjegullimi i trurit, haluçinacione etj. Kohëzgjatja e këtyre efekteve anësore është në varësi të organizmit të pacientit, por shpesh ato zgjasin për javë të tëra.
Alternativat më të mira të antibiotikëve
Ekspertët rekomandojnë përdorimin e alternativave natyrale të antibiotikëve. Hudhra, mjalti, vaji i ullirit janë tepër të fuqishme kundër baktereve, virozave dhe mykut. Vaji i rigonit është shumë efikas kundër infeksioneve, baktereve dhe mikrobeve.
Qepët, kërpudhat dhe shafrani i Indisë janë gjithashtu alternativa të sigurta dhe efikase ndaj antibiotikëve.
Burimi / Panorama ONLINE
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
