Një grup shkencëtarësh amerikanë kanë treguar se përshpejtimi i rimëkëmbjes për të kapërcyer dhimbjen e dashurisë është i mundur, duke bërë veprime pozitive që mund ta transformojnë ndarjen në një mundësi për rritje
Kur zemra thyhet, një histori e gjatë dashurie është pas nesh dhe nuk mund të mbulohet, ditët mund të shndërrohen në një tunel të errët, pa asnjë rrugëdalje. Përfshihemi nga trishtimi, ndjenja e humbjes, depresioni. Ndonjëherë edhe ankth, lodhje, pagjumësi. Në këto raste – thonë proverbat – kurimi më i mirë është koha, e cila lejon të lehtësojë vuajtjet dhe të harrojë ngadalë.
Por sot shkenca shpjegon se është e mundur që të përshpejtohet shërimi. Si? Zbatimi i një sërë strategjish njohëse. Këto janë veprime pozitive, të cilat jo vetëm që mund ta bëjnë ish-in të ndjehet sa më larg, por edhe ta transformojnë ndarjen në një rast gëzimi.
Merita e këtij zbulimi shkon tek një grup shkencëtarësh amerikanë nga Universiteti i Misurit. Duke analizuar situatën e 24 personave, të moshës midis 20 dhe 37 vjeç, të kthyer nga një krizë çifti, hulumtuesit kanë zhvilluar një lloj manuali. Mostra nuk është ndoshta përfaqësuese, sepse është shumë e kufizuar, por tetë strategjitë për të kapërcyer ndarjen pa trauma të thella mund të zbatohen nga të gjithë.
1. Rivlerësimi negativ: Kur përfundon dashuria, gjëja e parë që duhet të bëjmë, sipas ekspertëve, është të distanconi veten nga ndjenjat duke u përpjekur të mendoni për ish-in tuaj në një mënyrë racionale dhe objektive. Shkurtimisht, rivlerësimi bazohet edhe në aspektet negative. Shpesh kur e doni, nuk vëreni defektet e vogla dhe të mëdha të partnerit tuaj. Në vend të kësaj, hulumtuesit nxjerrin në pah se sa i rëndësishëm është gjykimi i sjelljeve 360 gradësh. Kjo strategji pakëson gradualisht ndjenjat e dashurisë, duke e transformuar ngadalë personin e humbur në një subjekt të pakëndshëm.
2. Pranimi i ndjenjave: Hapi i dytë është të mësosh të pranosh që mund të kesh ndjenja pozitive për një person që nuk ekziston më në jetën e tënde. Dhe e gjithë kjo pa gjykuar. Dhe mbi të gjitha pa ndjenjë trishtimi. Për të arritur këtë rezultat, gjatë studimit, grupi i shkencëtarëve vazhdimisht u ka lexuar dhe përsëritur njerëzve nën studim frazatë tilla si: “Nuk ka asgjë të gabuar të duam dikë që ka shkuar”. Ky hap zvogëlon progresivisht reagimin emocional ndaj ndarjes dhe ju lejon të përballeni në takimin tuaj të mundshëm me ish-in tuaj në një mënyrë më paqësore.
3. Shkatërrimi: Aftësia për të tërhequr vëmendjen është gjithashtu thelbësore. Kur mbaron një histori dashurie, bie në tundimin për t’u zhytur në dhimbje, për të menduar vetëm për këtë situatë, për të folur vetëm për këtë temë. Sipas studiuesve nuk ka asgjë më të gabuar se kjo. Kur jemi të trishtuar duhet të reagojmë sa më shpejt dhe të mos përqendrohemi në ndjenjat negative. Mund të dilni me miqtë tuaj, të angazhoheni në një hobi, ose të merreni me sport. Kjo strategji është pothuajse gjithmonë vendimtare, të paktën në periudhën afatshkurtër dhe afatmesme, sepse ndihmon për ta bërë veten më të lumtur.
4. Respekti për dhimbjen: Pavarësisht strategjive, dhimbja mund të duket e patolerueshme menjëherë pas ndarjes. Kjo është një fazë normale, e cila jo vetëm që duhet pranuar, por edhe të kalohet. Jini të vetëdijshëm se po përjetoni një periudhë të vështirë në të cilën ju rrezikoni të merrni vendime të këqija, ndihmoni të mbroheni, të ndiheni më të fortë dhe të shmangni përkeqësimin e gjërave.
5. Distancat: Natyrisht, për të distancuar veten dhe për të zvogëluar rolin e ish-it tuaj ju nuk duhet ta shihni më atë. Kjo është arsyeja pse studiuesit rekomandojnë që çdo marrëdhënie të ndërpritet sa më shpejt që të jetë e mundur, përveç rasteve kur mbajtja e lidhjes është e nevojshme për të ndarë kujdesin ndaj fëmijëve. Sidoqoftë, është e nevojshme të shmanget krijimi i miqësive, veçanërisht në fillim. Gjëja më e mirë që duhet bërë është shkëputja në mënyrë të prerë. Vetëm me kalimin e kohës – shumë kohë – do të jetë e mundur, të afroheni dhe të bëheni miq të vërtetë.
6. Duaje veten: Në shikim të parë mund të duket e parëndësishme, por dashuria juaj gjithmonë është kurimi më efektiv. Nëse bota përreth nesh bie, ne duhet të reagojmë duke vënë vetveten në radhë të parë. Kjo do të thotë që gjithmonë të vishesh mirë, të kujdesesh për veten, të ushqehesh shëndetshëm, të bësh sporte, të presësh për gjërat që doni më së shumti. Kjo strategji jo vetëm që rrit mirëqenien psiko-fizike, por gjeneron edhe ndjenja pozitive tek njerëzit e tjerë, duke shkaktuar kështu një rreth të virtytshëm.
7. Liria: Distanca nga një dashuri e kaluar nganjëherë mund të nënkuptojë që të heqësh qafe objekte të tepërta, veçanërisht nëse ato i përkasin të parëve. Në këtë fazë duhet të gjejmë kurajën të hedhim gjithçka që nuk na përket. Një strategji që ndihmon jo vetëm për të harruar, por edhe për të rimarrë veten në mënyrë progresive. Vetëm në këtë mënyrë është me të vërtetë e mundur të përqendrohet në një dimension të ri. Në këtë fazë mund të jetë shumë e dobishme për të dalë me miqtë më të besuar. Një zgjedhje që lehtëson gjendjen dhe relakson.
8. Gjëra të reja: Pas një ndarjeje mund të jetë gjithashtu e dobishme për të eksperimentuar, për të bërë gjëra të reja, për të takuar njerëz që nuk i ke takuar kurrë më parë. Si? Ndoshta duke udhëtuar, në mënyrë që të largoheni nga vendet që mbajnë kujtime të dhimbshme. Largimi i vetes edhe fizikisht mund t’ju ndihmojë t’i shihni gjërat nga një këndvështrim tjetër dhe të zvogëloni dhimbjen. Dhe ku i dihet, ndoshta gjatë kësaj aventure mund të takosh njerëz të rinj. Ndoshta më të vlefshëm se ata që ke humbur përgjithmonë.
Përgatiti: Brikela Daci | Burimi / d.repubblica.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
