Vitet e para të jetës së fëmijës karakterizohen nga përvojat e zotërimit të madh të botës. Duke filluar nga pafuqia e përgjithshme, e cila është në lindje, fëmija mëson të ecë, të flasë, të lidhet me të tjerët. Në këtë mënyrë zhvillon besim të madh në aftësitë e tij.
Për fat të keq, në një shoqëri të fiksuar nga suksesi dhe konkurrenca, fëmijët janë të detyruar të braktisin fëmijërinë shumë herët. Pritshmëritë që ne ngarkojmë mbi shpatullat e tyre shpesh janë shumë të rënda. Dhe gjëja më e keqe është se, edukimi i hershëm akademik ka treguar se nuk i përmirëson rezultatet në afat të gjatë.
Çfarë do të thotë kujdes i ndjeshëm ndaj fëmijës suaj?
Kujdesi për një fëmijë nuk është thjesht ta veshësh, ta ushqesh dhe ta mbash të sigurtë. Këto janë nevojat themelore për mbijetesë, por nuk janë të mjaftueshme.
Trajtimi i një fëmije përfshin të gjitha sjelljet dhe strategjitë e zbatuara nga prindërit për të mbrojtur dhe për të nxitur rritjen e tyre. Psikologët kanë analizuar mijëra marrëdhënie prind-fëmijë, për të identifikuar karakteristikat thelbësore të kujdesit të ndjeshëm, ato që në fakt rrisin zhvillimin emocional dhe njohës të fëmijëve.
4 karakteristikat thelbësore të kujdesit të ndjeshëm:
1) Dashuria pa kushte për fëmijën tuaj
Kjo nuk nënkupton vetëm pranimin e pakushtëzuar, por edhe dashuri, ëmbëlsi, mbrojtjen dhe kënaqësi të përbashkët. Në fakt, edhe në qoftë se ata nuk janë në gjendje për ta shpjeguar atë, fëmijët i perceptojnë këto ndjenja nga fëmijëria, si dhe ndjenjën e refuzimit, zemërimin, pakënaqësitë ose acarimin e prindërve të tyre.
2) Respektoni ndjenjat e fëmijës suaj
Kjo do të thotë se prindërit duhet të jenë në gjendje për t’u lidhur emocionalisht me fëmijën e tyre, duke e parë atë si një person të pavarur dhe aktiv, madje edhe nëse është vetëm një fëmijë. Prindërit duhet të respektojnë dëshirat dhe ndjenjat e fëmijës, nuk duhet të mendojnë se fëmijët janë pronat e tyre apo t’i kontrollojnë dhe dënojnë në përputhje me pritjet dhe dëshirat e tyre.
3) Mos i nënvlerësoni prioritetet e fëmijëve
Kjo është disponueshmëria fizike dhe psikologjike e prindërve për të përmbushur nevojat dhe prioritetet e fëmijës së tyre. Kjo nuk nënkupton vetëm afërsinë dhe kontaktin fizik, por edhe disponueshmërinë emocionale, dhe aftësinë për të treguar kënaqësi, për të qenë me të dhe të ndiqni së bashku aktivitetet e tyre. Këta prindër nuk janë emocionalisht të largët dhe nuk e lënë fëmijët e tyre të rriten në hijen e teknologjisë.
4) Dëgjimi empatik
Ajo i referohet aftësisë së prindërve që të jenë të vëmendshëm ndaj sinjaleve të fëmijës, interpretojnë ato siç duhet dhe përgjigjem shpejt. Në këtë “komunikim”, fëmija jo vetëm që merr miratim, por edhe mëson të lidhet emocionalisht me të tjerët.
Në praktikë, prindërit të cilët ushtrojnë kujdes të ndjeshëm, janë ata që perceptojnë nevojat e fëmijëve të tyre, përgjigjen shpejt dhe në mënyrë të përshtatshme. Këta prindër respektojnë fëmijët, janë në gjendje të miratojnë pikëpamjet e tyre dhe të krijojnë një marrëdhënie pozitive me ta, duke u garantuar sigurinë dhe besimin që ata kanë nevojë për të eksploruar botën.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
