Në vitet e fundit, gjithnjë e më shumë njerëzit janë larguar nga mishi. Sipas studimeve, pothuajse 2,1 milionë të rritur australianë janë vegjetarianë. Pyesni dikë se pse është vegjetarian dhe do të merrni përgjigje nga më të ndryshmet. Arsyet përfshijnë mjedisin, mirëqenien e kafshëve, besimet fetare dhe natyrisht, konsiderata shëndetësore.
Për shembull, në një studim të kryer në rreth 95 mijë amerikanë, rezultoi se vegjetarianët rrezikohen me 12% nga vdekja për shkaqe të ndryshme.
Por pse?
IFL Science është përpjekur të tregojë, duke përdorur të dhënat e një nga studimeve më të mëdha të plakjes në botë. The Sax Institute 45 dhe Up Study kanë analizuar të dhënat e mbi 260 mijë njerëzve në Australi, të cilët ishin mbi 45 vjeç. Në harkun kohor të gjashtë viteve, 16.836 persona ndërruan jetë. IFL Science analizoi rrezikun e vdekjes së parakohshme dhe gjetën se vegjetarianët nuk kanë pasur ndonjë ndryshim të madh.
Por, pse studime të tjera thonë se ata jetojnë më gjatë?! Ata arritën në përfundimin se njerëzit që janë vegjetarianë, në përgjithësi kanë tendencën të jetojnë me një stil jetese më të shëndetshme. Ata hanë më shumë fruta dhe perime të freskëta, ushtrohen rregullisht, pijnë më pak alkool dhe nuk pijnë duhan.
Por nëse ju deheni çdo natë, nuk stërviteni, hani mish pa fund, sigurisht që do të jeni më pak të shëndetshëm. Por njerëzit që zgjedhin të jenë vegjetarianë, kanë tendencën të mos dehen çdo natë dhe të stërviten dhe për rrjedhojë jetojnë më gjatë.
Pra, mësimi që marrim? Të jesh vegjetarian nuk është përgjigja e të gjitha çështjeve shëndetësore, por mundohuni të jeni më shumë si Lisa Simpson, sesa si Homer.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
