Pirja e çajit redukton dëmtimin njohës nga 50 -86 për qind për të rriturit që kanë rrezik gjenetik të sëmundjes. Ky është konstimi i një studimi ku morën pjesë 957 të moshuar kinezë.
“Edhe pse studimi është kryer tek të moshuarit kinezë, rezultatet mund të aplikohen edhe për raca të tjera. Gjetjet tona kanë implikime të rëndësishme për parandalimin e çmendurisë. Çaji është një prej pijeve të konsumuara më gjerësisht në botë. Të dhënat nga studimi tregojnë se pirja e çait çdo ditë mund të zvogëlojë rrezikun e zhvillimit të çrregullimeve neurokonjitive,” thotë Feng Lei, asistent profesor i mjekësisë psikologjike në Universitetin Kombëtar të Singaporit.
Përfitimet merren nga komponimet bioaktive në gjethe.
“Këto komponime shfaqin veti anti-inflamatore dhe antioksiduese. Këtomund të mbrojnë trurin nga dëmtimi vaskular dhe neurodegjenerativ. Kuptimi i detajuar i mekanizmave biologjik është ende shumë i kufizuar, kështu që ne kemi nevojë për më shumë hulumtime për të gjetur përgjigje përfundimtare,” thotë ai.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
