Dihet më së miri rëndësia e sportit si tek të rriturit ashtu dhe tek fëmijët. Por nga tani dhe tutje është një faktor tepër i rëndësishëm që duhet t’i inkurajoni më shumë fëmijët që të ushtojnë aktivitet fizik si: not, futboll, balet ose ndonjë lloj tjetër aktivitet lëvizës në mënyrë që të zvogëlojë rrezikun e dhimbjes së shpinës.
Kohët e fundit është rritur numri i fëmijëve që vuajnë nga dhimbjet e shpinës. Kjo gjë mund të fillojë edhe në moshën e pubertetit. Por cila është arsyeja? Një nga arsyet është qëndrimi ulur për orë të tëra në shkollë, por edhe qëndrimi para televizorit ose tabletit.
Çfarë duhet të bëjmë?
Ekspertët i këshillojnë prindërit që t’i regjistrojnë fëmijët e tyre në aktivitete fizike. Sipas statistikave, mesatarisht, fëmijët luajnë vetëm një orë në javë. Gjithashtu gjithnjë e më shumë fëmijë kanë televizor , tablet dhe kompjuter në dhomën e tyre. Kjo gjë bën që ata të qëndrojnë më shumë shtrirë ose ulur në krevat.
Burimi / TopChannel
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
