Rrezik epidemie në ishujt Canarie. Deri tani ka arritur në 13 numri i turistëve të prekur nga një bakter që është rezistent ndaj çdo lloj antibiotiku. Lajmi bëhet i ditur nga Qendra Evropiane për Kontrollin e Sëmundjeve ECDC, që shpjegon se ekziston një rrezik i lartë që ky bakter të përhapet me shpejtësi në të gjithë kontinentin tonë.
Turistët e prekur deri më tani janë suedezë dhe norvegjezë dhe autoritetet konfirmojnë se pas analizave gjenetike ka rezultuar se janë prekur nga bakteri Klebsiella pneumoniae St392 dhe që zakonisht merret në struktura shëndetësore.
Sipas ECDC, ky bakter është vështirë që të merret jashtë një strukture sanitare, por në rastin që dikush është infektuar dhe nuk është në dijeni duke neglizhuar edhe kurimin, atëherë mundësia e përhapjes rritet masivisht, veçanërisht në këtë periudhë të vitit.
Aktualisht në ishujt Canarie është kulmi i sezonit turistik dhe sipas statistikave në vitin 2016 u vizitua nga 15 milionë turistë nga e gjithë bota.
Burimi / PanoramaONLINE
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
