Nëse doktori do t’ju thotë se fëmija juaj vuan nga hipertensioni, mos u çudisni. Edhe pse kjo konsiderohet si sëmundje e moshës së tretë, mjekët pediatër vënë alarmin se kohët e fundit hipertensioni po haset tek fëmijët e vegjël.
Bektash Mandri, mjek pediatër: “Kjo u bë e njohur fillimisht në Amerikë, por ka hyrë edhe në vendin tonë. Nuk ka asnjë problem shëndetësor dhe thotë më dhemb koka dhe detyrohemi të shohim problemin e hipertensionit. Ai duhet të trajtohet njësoj si për të gjithë vetëm se duhet të llogariten doza të ulëta”.
Produktet më të dashura për fëmijët janë shkaktarët e hipertensionit, i cili trajtohet po njëlloj si të rriturit.
“Janë të predispozuar për hipertension fëmijët obezë dhe fëmijët që konsumojnë shumë ushqime me ngjyrues të cilët janë shkaktarët kryesorë në hipertensionit”.
Po veç ushqimit, luhatjet e motit në këtë periudhë po shtojnë numrin e të vegjëlve që duan ndihmë mjekësore. Stina e virozave sapo ka nisur dhe mjekët paralajmërojnë rritje të fluksit në fillim të muajit Nëntor.
https://www.youtube.com/watch?v=9vp2KHh34dk
Burimi / tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
