Modelja Angela Martini ka bërë një dedikim për gjyshen. Nisur nga eksperienca e saj ajo ka bërë thirrje që këtë 8-Mars të dëshmohet dashuria ndaj gjysheve, e cila gjithmonë është e pa kursyer.
“Nuk e di si do të kish qenë fëmijëria ime pa prezencën tënde. Madje tani që e mendoj, nuk e di në do të isha kjo që jam sot pa këshillat e tua Ti je nëna ime gjëja më e shtrenjtë që kam . Por sot do flas për ty gjyshja ime, për ty që flas kaq rrallë e kaq pak, por që të dua e të mendoj kaq shumë. Po shkruaj për ty ‘nana Doga’, që gjithë jetën tënde e ktheve në shembull për nipërit e mbesat, që kurrë nuk na gjykove, që gjithmonë na le të bënim gjërat që donim vetë, që na le të gabonim, të rrëzoheshim, e që me dashurinë që vetëm një gjyshe di të japë na ndihmove të ngriheshim. 8 marsi në të gjithë botën është ditë proteste për të drejtat e grave, por unë dua që këtë vit në Shqipëri, 8 marsi t’i kushtohet gjysheve. Gjyshes sime, gjyshes tënde, atyre që nuk pritën kurrë të merrnin mbrapsht dashurinë që dhanë, por që më shumë se kushdo tjetër e meritojnë vëmendjen dhe përkushtimin tonë në ditët e zbardhjes. “Gjyshja të shikon teksa rritesh, duke e ditur që do largohet e para prej teje. Ndoshta ndaj të do më shumë se të gjithë”, – lexova diku, ndaj le t’ia bëjmë më të bukura vitet e fundit, duke i thënë se sa shumë i duam, se sa shumë kemi nevojë për to. Bëhuni edhe ju pjesë e kësaj fushate. Postoni foton me gjyshen tuaj dhe shkruani historinë e tyre… Vendosni poshtë saj hashtag #DhuroniDashuriPërGjyshet #NukKaSiGjyshet #GjyshjaImeËshtëMëEMiraNëBotë
Mos harroni: Një gjyshe është një nënë të cilës i ofrohet një mundësi e dytë.”
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
