Një prej artistëve më të njohur të dekadave të fundit, shqiptari Anri Sala ka hapur një ekspozitë të rëndësishme në “New Museum” mbrëmjen e 3 shkurtit në Manhatan. Ndër realizimet e shkëlqyera të artistit, ekspozita shënon një studim më të plotë të punës së tij deri më sot në Shtetet e Bashkuara. Siç njofton faqja zyrtare e këtij muzeumi të rëndësishëm në Nju Jork, aktiviteti i mbrëmshëm u shoqërua me pjesëmarrjen e personaliteteve të artit dhe kulturës, të cilët ndoqën me vëmendje video artin që kishte “pushtuar” pothuaj të gjitha sallat e muzeut.
Duke theksuar interesin e vazhdueshëm të Salës në mënyrën se si muzika ndikon në përfshirjen e arkitekturës me historinë, “Anri Sala: Answer Me” (Më jep njw përgjigje), kjo ekspozitë përfshin audio dhe video multichannel si dhe instilacione, të cilat janë vendosur në galerinë e dytë, të tretë dhe të katërt, kompozuar sipas një përvoje të veçantë simfonike të këtij muzeu, thotë i një burim. Në punët e tij të para video nga fundi i viteve 1990, Sala përdori strategjinë e dokumentarit për të shqyrtuar jetën pas rënies së komunizmit në vendlindjen e tij në Shqipëri, duke respektuar rolin e gjuhës dhe kujtesës, e cila rrëfen historitë sociale dhe politike. Në fillim të vitit 2000, veprat e tij video kanë hetuar efektet psikologjike të përvojave akustike, e cila përfshin muzikën dhe zërat, ashtu si gjuha është e aftë të ngjallë deri imazhet, zgjimin e nostalgjisë dhe të na komunikojë emocionet.
Ish-studenti i Akademisë së Arteve në Tiranë, me talentin e tij tashmë ka shtrirë vendndodhjen e tij artistike në shumë shtete të botës, duke ofruar një nivel të lartë bashkëkohor siç shprehet dhe ish-pedagogia e tij me banim në Amerikë, Mariana Eski. Në rrjetin social Facebook ajo shkruan: me talentin e tij, vinte në një tjetër dimension me veprën e tij madhore, si një artist bashkëkohor, i suksesshëm. Ishte një takim nga të rrallët mes miqsh të vjetër ardhur edhe nga Shqipëria. Prindërit e artistit, Bashkim e Valdete Sala, e gjithë familja përjetonin mes emocionesh suksesin e djalit dhe vëllait të tyre rrethuar nga personalitete të artit, si regjisorja Liri Begeja, e cila jeton në Francë, e kish ardhur të nderonte veprën e artistit, shoqja e klasës, Edit Pulaj dhe miqtë e familjes, Delina Fico, Shpëtim dhe Miranda Telegrafi…
http://www.newmuseum.org/exhibitions/view/anri-sala
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
