Në dimër, gjëja e fundit që dëshironi është pirja e ujit të freskët, megjithatë është një nga veprimet më të rëndësishme që duhet të bëni kur temperaturat bien
A duhet të pini shumë? Në fakt, hidratimi në dimër është po aq i dobishëm sa në verë, sepse edhe rënia e temperaturës është një nga shkaqet e dehidrimit. Megjithatë, në përgjithësi, gjatë dimrit ne përpiqemi të harrojmë të pimë ujë të mjaftueshëm sepse në thelb nuk ndjehemi të etur. Por pse është kaq e rëndësishme të pihet gjithmonë?
Në fakt, për shkak se djersitemi më pak kemi më pak nevojë për të pirë ujë, por ajo që nuk dimë është se trupi ynë duhet të nxjerr vazhdimisht lëngje edhe kur është ftohtë. Për këtë arsye është e domosdoshme që kurrë të mos ndalet shuarja e etjes sonë.
Refleksioni ynë i etjes nuk është tepër i fortë dhe kur jashtë është ftohtë, ka shumë më pak gjasa që ta mbajmë shishen tonë të ujit në dorë ashtu siç do të bënim kur jashtë është shumë nxehtë. Shkurtimisht kjo do të thotë që ne jemi në rrezik më të madh të dehidrimit, sidomos në sezonin e gripit, kur humbim shumë më shumë lëngje përmes kollitjes dhe të ftohtit.
Me fjalë të tjera, ajo çfarë ndodh me nxehtësinë e verës, është një rrezik i hipohidratimit, i cili mund të rritet me një diuresis më të madh për shkak të temperaturave të ulëta dhe që mund të nxitet nga një ndjenjë më e vogël e etjes dhe djersës që shkaktohet nga shtimi I frymëmarrjes për shkak të ekspozimit ndaj temperaturave të ulëta dhe lartësisë të lartë. Për më tepër, në dimër, djersa avullon më shpejt në ajër të ftohtë dhe të thatë.
Pirja e sasisë së duhur dhe gjatë gjithë ditës edhe gjatë sezonit të dimrit, duke mos pritur stimulimin e etjes, mund të shmangë simptomat tipike të dehidrimit si:
- Gojën e thatë
- Përgjumjen
- Lodhjen
- Lëkurën e thatë
- Dhimbjet e kokës
- Kapsllëkun
- Marramendjen
Ndërsa dehidrimi i rëndë mund të shkaktojë etje ekstreme, përgjumje të rënda te foshnjat dhe fëmijët, nervozizëm dhe konfuzion tek të rriturit, pak ose aspak urinim, lëkurë të rrudhur dhe ndjesi dobësie kur ngriheni menjëherë nga pozicioni ulur në këmbë.
Pra, një zakon i shëndetshëm padyshim që nuk duhet të presë për nxitjen e etjes, që hyn në veprim kur humbja e ujit tejkalon të paktën 0.5% të peshës trupore, por për të pirë vazhdimisht gjatë gjithë ditës.
Kujtoni sidomos të moshuarit dhe fëmijët, të cilët janë kategoritë më “në rrezik” për shkak të një efikasiteti më të ulët të stimulimit të etjes dhe mekanizmave të kompensimit të bilancit të ujit.
Këtu janë disa mënyra të thjeshta për t’u siguruar që pini mjaftueshëm lëngje, për të mbrojtur sistemin tuaj imunitar dhe për të rritur energjinë tonë:
- Vendosni një qëllim
Mund të jetë e mjaftueshme që thjesht të vendosni një synim të arsyeshëm, për shembull rreth një litër lëngje çdo ditë, duke menduar të shtoni çajra shtesë, supëra, fruta dhe perime të freskëta.
- Shtoni një gotë ujë në ushqim
Një zakon i lehtë për t’u vënë në praktikë është gjithmonë duke shërbyer ushqim me të paktën një gotë ujë.
- Përfshini një çaj gjatë gjithë ditës
Kjo zgjedhje shton antioksidantë në dietën tuaj me kalori minimale madje në rastin e çajit bimor ofron një gamë të përfitimeve shëndetësore.
- Shto shtesë “kur është e nevojshme”
Nëse jeni veçanërisht të ftohtë, do t’ju duhet të shtoni së paku 500-600 ml ujë shtesë për të siguruar që ju po kompensoni humbjet e lëngjeve, edhe nëse nuk djersitni ose nuk ndjeheni të etur. Një opsion i lehtë do të ishte të shijoni ujë të nxehtë të zier me një limon të vogël për të marrë përfitimet e hidratimit.
- Mbani ujë afër
Kjo do të thotë që gjithmonë të keni një gotë, një shishe ose një shtambë në tavolinë.
Burimi / www.greenme.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
