Dashuria në shikim të parë ekziston aq sa ekziston dhe urrejtja me shikim të parë. E vërteta është se ka njerëz që na bashkohen ose që na tërheqin thellë nga momenti i parë, por gjithashtu ndodh dhe e kundërta. Ne mund të zhvillojmë mosdashje të menjëhershme për njerëzit që sapo takuam. Në të dyja rastet nuk gjejmë një shpjegim racional, as për dashuri, as për urrejtje.
Është e natyrshme që ne të ndjejmë urrejtje me shikim të parë për ata njerëz që hyjnë në jetën tonë duke na shkaktuar dëm. Ajo që nuk është logjike për t’u dëgjuar është refuzimi i dikujt që nuk ka bërë asgjë. Pse ndodh? Ka pesë arsye themelore.
- Nuk jeni ju, jam unë
Shpesh urrejtja me shikim të parë nuk vjen nga agresioni ose sjellja e keqe e personit tjetër. Ndonjëherë janë paragjykimet që na çojnë tek filtrat që aplikojmë në informacionin që mbledhim nga këta njerëz. Sidoqoftë, jemi ne dhe jo personi tjetër që “urrejmë me shikim të parë”.
- Ata përpiqen të hiqen si dikush që nuk janë
Ka njerëz që shqetësohen shumë për përshtypjen që ata bëjnë tek të tjerët. Në fakt, ata ndajnë shumë burime në përpjekje për të projektuar një imazh të veçantë. Në mënyrë të ndërgjegjshme, të tjerët zbulojnë artificialitetin dhe teatrin që shkakton refuzim.
- Ndjesia dhe urrejtja me shikim të parë
Kur kontrasti midis dy njerëzve është shumë i lartë, është e mundur që ata të mos tërhiqen që nga momenti i parë. Në këtë kuptim, të ndryshmet mund të tërhiqen ose të zgjojnë te ne një qëndrim refuzimi. Tani, të dyja këto reagime do të varen nga shumë faktorë, duke përfshirë gjendjen tonë ose mënyrën se si qëndron personi tjetër në lidhje me këto dallime.
- Mungesa e aftësive sociale
Ka njerëz të pabesueshëm të cilët, nuk i kanë zhvilluar aftësitë e tyre sociale. Kjo, brenda kontekstit shoqëror në të cilin jetojmë, jo vetëm që i vë ata në disavantazh, por i bën të duken të mirë në fillim.
- Ju kujton dikë
Ndonjëherë, nuk mund ta kuptoni pse dikush ju duket kaq i pakëndshëm, edhe nëse e dini se personi është shumë i çmuar. Rezulton se ky person mund t’ju kujtojë dikë me të cilin keni pasur një përvojë negative. Në mënyrë të pandërgjegjshme e krahasoni atë person me një tjetër.
Në këtë artikull, kur i referohemi urrejtjes me shikim të parë, nuk po i referohemi urrejtjes, por refuzimit. Shprehja përdoret vetëm në krahasim me “dashurinë me shikim të parë”, në krahasim me idealizimin.
Përgatiti: Brikela Daci | Burimi / emozionifeed.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
