A duhet që të gjithë të aplikojnë maska për fytyrën? Absolutisht po. Maskat e fytyrës janë trajtimi perfekt i kujdesit të lëkurës duke ndihmuar në luftimin e problemeve të saj.
Një maskë e mirë mund të ndihmojë në hidratimin e lëkurës, heqjen e yndyrës së tepërt dhe përmirësimin e poreve.
Ato janë gjithashtu një mënyrë e shkëlqyer për të ndihmuar në heqjen e papastërtive. Më poshtë janë listuar disa arsye përse duhet të aplikoni maska për fytyrën.
Relaksimi– Maskat e fytyrës nuk ofrojnë vetëm rezultate që përmirësojnë pamjen e përgjithshme të lëkurës suaj, ato gjithashtu mund të jenë mjaft terapeutike. Kur ata janë të mbushur me vajra esenciale aromatike si nenexhik dhe rozmarinë, një maskë fytyre mund të stimulojë shqisat tuaja. Përdorimi i një maskë fytyre duhet të trajtohet si një luks.
Pastrim në thellësi– Sigurisht pastrimi i përditshëm ndihmon duke larguar papastërtitë nga sipërfaqja e lëkurës. Por a e dini se maskat e duhura bëjnë një pastrim në thellësi? Vetëm një maskë e mirë mund të ndihmojë për të eliminuar papastërtitë që fshihen nën shtresat e thella të lëkurës.
Një fytyrë që shkëlqen– Maska, sidomos ato me nenexhik, mund të ndihmojnë në nxitjen e qarkullimit të gjakut. Procesi i tharjes së maskës në lëkurën tuaj dhe ngurtësimi, së bashku me heqjen e maskës, shkakton një zgjerim në enët e gjakut të lëkurës suaj.
Kjo siguron një përmirësim të përgjithshëm të lëkurës. Ju do të mbeteni me lëkurë më të butë dhe do të vini re gjithashtu një shkëlqim rrezatues dhe pamje më të freskët.
Ndihmojnë regjimin tuaj të përgjithshëm-Maska ndihmon që të gjitha produktet e tjera të kujdesit të lëkurës të veprojnë në mënyrë më efikase. Nëse doni që kremrat tuaja të ditës dhe produktet e natës të absorbohen nga lëkura juaj më shpejt dhe më thellë, atëherë një maskë fytyre është një domosdoshmëri.
Burimi / tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
