Çdo vit në BE, 50 milionë njerëz preken nga gripi sezonal. Sipas statistikave, nga 15-70 mijë qytetarë evropiane humbin jetën si pasojë e virusit dhe komplikimeve kur kanë sëmundje të tjera kronike. Të dhënat janë bërë të ditura gjatë javës për ndërgjegjësimin e gripit, një fushatë kjo e promovuar nga OBSH me fokus Evropën.
Qëllimi është edhe përdorimi i vaksinës, veçanërisht tek personat që potencialisht janë më të rrezikuar, apo ata që vuajnë edhe nga sëmundje të tjera dhe që virusi mund të shkaktojë dëme e pasoja më të rënda në shëndet.
Gripi, përtej shëndetit, ka edhe kosto të tjera të larta sociale dhe ekonomike dhe përfaqëson 30% të peshës së sëmundjeve të transmetueshme. Sëmundja sigurisht është kryesisht e lehtë dhe shërohet në një hark kohor relativisht të shkurtër, por mund të shndërrohet në rrezik nga komplikimet tek gratë shtatzëna, fëmijët e vegjël, të moshuarit, të sëmurët kronikë dhe të gjithë këta janë më të ekspozuar në krahasim me pjesën tjetër të popullsisë.
Sipas OBSH, në kontinentin tonë stina e virusit të gripit zgjat nga Nëntori deri në muajin Maj, kështu që Tetori konsiderohet si moment optimal për vaksinimin.
Burimi / KlanPlus
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
