Të gjithë hasim vështirësi gjatë jetës dhe shpesh ato rezultojnë të jenë mësime të vërteta. Sidoqoftë, jo gjithmonë kemi atë dëshirë dhe energji për të luftuar dhe ka raste kur duam të heqim dorë. Atëherë kur nuk ia dalim dot më, kur ndihemi të lodhur dhe të pamotivuar, ne dorëzohemi, por është pikërisht ai moment që ne duhet të shtrëngojmë dhëmbët dhe të luftojmë më shumë se më parë.
Ja 10 arsye pse nuk duhet të hiqni dorë kurrë:
- Asgjë nuk është e pamundur
Duhet guxim dhe vendosmëri në jetë, vetëm kështu gjithçka mund të bëhet e mundur.
- Pas rrëzimit, ngrihesh gjithmonë
Të gjithë ne dështojmë dhe rrëzohemi, por ndryshimin e bëjnë ata që gjejnë forcën të ngrihen gjithmonë, pavarësisht gjithçkaje.
- Suksesi kërkon kohë
Të qenit të suksesshëm në atë që bëni dhe besoni kërkon kohë dhe këmbëngulje. Asgjë nuk ndodh rastësisht ose thjesht prej fatit.
- Duhet të luash ndeshjen tënde
Në jetë ashtu si në sport, ka nga ata që humbasin dhe nga ata që fitojnë, por diferencën e bëjnë ata që kanë dhënë më të mirën e tyre, pa pushuar së luftuari.
- Duhet të besosh tek vetja
Vetëvlerësimi është sekreti i suksesit. Nëse nuk jeni ju të parët që besoni në veten tuaj dhe në ëndrrën tuaj, pse duhet ta bëjnë të tjerët?
- Nuk ka një rrugë të vetme
Nëse nuk mund të arrini qëllimin tuaj duke shkuar drejt një rruge, mos këmbëngulni, do të ngecni në qorrsokak. Mos u dorëzoni, ndoshta keni ngatërruar vetëm rrugën me qëllimin. Ndërroni rrugë.
- Rezultatet shpërblejnë ata që guxojnë
Të gjithë janë të mirë për të hequr dorë, duke u penduar një ditë që nuk guxuan. Rezultatet e rëndësishme, megjithatë, shpërblejnë plotësisht ata që besojnë deri në fund.
- Të duash domethënë të mundesh
Nëse keni ëndërruar një objektiv për kaq shumë kohë dhe po e ndiqni atë me forcë, mos u dorëzoni, do të thotë që është me të vërtetë ajo që ju nevojitet.
- Je unik
Asnjëherë mos harroni se jeni unike. Kur mendoni të hiqni dorë, lëreni mënjanë egon tuaj, mos bëni krahasime dhe kërkoni ndihmë nga një person që vlerësoni dhe besoni.
- Gëzimi i arritjes së objektivit do bëjë të harroni lodhjen
Nuk ka gëzim më të madh sesa përmbushja e ëndrrës tuaj, veçanërisht pasi keni luftuar aq shumë dhe kapërcyer sfida të shumta. Nëse dorëzoheni do të privoni veten nga e drejta për të qenë të lumtur.
Burimi / bota.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
