Duket qesharake mënyra se si qenia njerëzore rritet mes nevojës për miratim nga të gjithë, përveç vetes. Kur jemi fëmijë, ne kërkojmë miratimin e të rriturve përreth nesh dhe miqve dhe, për fat të keq, janë të shumtë ata që arrijnë moshën madhore, duke u distancuar nga vetja dhe duke u përpjekur të përshtaten me atë që aprovojnë sytë e jashtëm.
Kjo është edhe e kuptueshme, duke marrë parasysh që shoqëria bazohet kryesisht në paraqitjet në të cilat jetojmë. Konsumi, markat, modelet e makinave dhe telefonave inteligjentë, udhëtimet elegante dhe ahengjet janë karta biznesi që vërtetojnë përfshirjen e tyre mes atyre që janë të admiruar nga shumë njerëz.
Të qenit popullor është një talent i lindur. Shumë të famshëm, për shembull, janë të famshëm sepse pa pasur nevojë të punojnë shumë: thjesht publikojnë një foto dhe marrin miliona pëlqime. Përmes kësaj metode, ata bëhen pasqyra, modele për t’u ndjekur, edhe nëse nuk kanë asgjë të përbashkët me ata që i imitojnë. Në fakt, kur admirojmë dikë, duhet të frymëzohemi nga personi, por pa u bërë kopje e tij.
Ne duhet ta adaptojmë tjetrin me atë që kemi brenda nesh, me atë që jemi, ose në rast të kundërt do të jemi modele boshe të vetvetes. Admirimi duhet të na shtyjë për të përmirësuar më të mirën tonë, pa pasur nevojë të mohojmë atë që na përcakton. Ajo që na përcakton është brenda nesh dhe jo jashtë. Njerëzit autentikë janë aq të bukur, e dinë se çfarë duan, kush janë, kush meriton të qëndrojë me ta dhe kush duhet të injorohet.
Njerëzit që nuk u nënshtrohen të tjerëve janë më të lumtur sepse nuk skllavërohen nga ata që nuk janë pjesë e jetës së tyre. Për këtë arsye autenticiteti, ngatërron shumë, pasi shumica fshihen nga të vërtetat e tyre, në mënyrë që të jetojnë atë që nuk është e tyre, nuk u përshtatet dhe nuk i shqetëson ata.
Asnjëherë mos e mbytni të vërtetën që pulson në thelbin tuaj, për t’u përshtatur me atë që nuk ju plotëson zemrën. Jini bisedues, tregohuni të trembur, jini të guximshëm, të përmbajtur, jini ata që dëshironi, por jini vetvetja. Nuk ka rëndësi se çfarë mendojnë të tjerët, nëse rruga juaj është e sinqertë dhe nuk dëmton askënd.
Burimi / https://vibee.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
