Studiuesit në Universitetin e Wanderer Medical Center në SHBA besojnë se ata kanë një shpjegim për këtë fenomen, pasi, sipas një studimi të ri, astma nxitet deri diku nga hormonet.

Në veçanti, studimi i botuar nga hulumtuesit thotë se testosteroni luan një rol qendror në astmë.

Shkencëtarët kanë njohur që një lloj i qelizave të bardha të gjakut të quajtur ILC2 promovon fillimin e reaksionit alergjik dhe astmë. Njerëzit me astmë kanë nivele të larta të ILC2 në gjakun e tyre në krahasim me individët e shëndetshëm.

Në studimin e ri, hulumtuesit matën nivelet e ILC2 në meshkuj dhe femra.

Matjet treguan se grupi i pacientëve femra kishte ILC2 më të lartë krahasuar me meshkujt.

Në një fazë të dytë, bazuar në teste të ndryshme të kryera në minj, u zbulua se testosteroni kufizon përhapjen e ILC2, si dhe inflamacionin e shkaktuar nga ILC2 në sistemin e frymëmarrjes.

Këto gjetje janë një shpjegim i mundshëm për shënuesit e astmës tek femrat në moshë të rritur, ku nivelet e testosteronit janë më të ulëta se në meshkuj dhe përveç kësaj mund të çojnë në metoda të reja të trajtimit të sëmundjeve të frymëmarrjes.

Përveç hormoneve seksuale, faktorë të tjerë gjenetikë dhe mjedisorë gjithashtu përfshihen në astmë, thonë studiuesit.

Sipas statistikave në dispozicion, frekuenca e astmës pothuajse është dyfishuar në mbarë botën që nga viti 1990. Studimi mbi Ndikimin e Sëmundjeve Globale (Global Disease Impact Study – GBD) për vitin 2015 tregon se rreth 358 milionë njerëz vuajnë nga astma në mbarë botën.