Shkëlqimi në vetvete do të thotë të gëzosh vetëbesim të mirë dhe të jesh krenar për veten, duke u frymëzuar me forcë realitetin që të rrethon dhe, për më tepër, të dish se si t’i japësh lumturi të tjerëve. Në fund të fundit, jeta nuk është aq e komplikuar; nëse ndalojmë “së varuri” nga materializmi dhe egoizmi, ashtu si dhe nga njerëzit e tjerë, do të jemi më të lirë dhe më autentikë. Në këtë mënyrë, mund të jetojmë në plotësi totale.
Çfarë nënkuptojmë me “jetojmë në errësirë”?
Ka nga ata që pjesën më të madhe të jetës së tyre e kalojnë të mbyllur në atë dimension ku zilia dhe pakënaqësia ndaj të tjerëve nuk e lejojnë të jetë njeriu më i lumtur. Dhe duhet të jemi të kujdesshëm, sepse nganjëherë, njerëzit e errët mund t’ua fikin dritat të tjerëve. Sot reflektojmë për këtë. Askush nuk duhet ta japë dritën e tij, secili person duhet të mësojë të kultivojë dritën e vet personale, duke zgjidhur paqartësitë e mundshme që jeta paraqet nga koha në kohë.
Për t’u ndriçuar me dritën tonë, është e domosdoshme të marrim dhe të integrohemi në të gjitha aspektet e mëposhtme: Të mësojmë se jemi njerëz unikë dhe autentikë. Ai që jeni dhe dhe që keni marrë, ju identifikon, dhe kjo duhet t’ju bëjë krenarë. Gabimet apo dështimet e së kaluarës nuk janë paqartësi për t’u fshehur ose për t’u turpëruar. Ato janë përvoja të gjalla që pasurojnë ciklin tonë të jetës. Ato janë fakte nga të cilat kemi mësuar dhe të cilat i kemi pranuar.
Shkëlqimi nënkupton gjithashtu të dish të kultivosh reciprocitetin. E njohim veten dhe jemi të ndjeshëm ndaj të tjerëve, i kuptojmë mendimet e tyre dhe jemi të lumtur për gëzimet e tyre. Nuk hezitojmë të ndihmojmë, ata që kanë nevojë, sepse është pjesë e identitetit tonë dhe kjo na pasuron. Pranimi i të gjitha këtyre aspekteve kërkon, pa dyshim, kohë dhe shumë ekuilibër të brendshëm. Ndonjëherë jeta nuk na trajton mirë. E kaluara e marrëdhënieve familjare traumatike, marrëdhëniet e dëmshme të dashurisë ose të paturit e ndonjë sëmundjeje krijon shumë paqartësi në zemrat tona.
Megjithatë, e besojmë apo jo, askush nuk lind me dritën e vet. Drita, fati dhe lumturia ndërtohen çdo ditë, duke qenë të vetëdijshëm për faktin se meritojmë të ngazëllehemi, të buzëqeshim dhe të dalim më të fortë nga fatkeqësitë.
Ka nga ata që i fikin dritat përmes negativizmit të tyre, nëpërmjet aftësisë së tyre për të na bërë të besojmë se nuk jemi të aftë dhe që meritojmë disa gjëra. Nëse nuk kemi vetëbesim të mirë, do të përfundojmë me vuajtje për shkak të këtyre sulmeve, veçanërisht nëse vijnë nga njerëz që janë të rëndësishëm për ne. Merrni parasysh se çfarë duhet bërë për t’i përballuar këto sjellje dhe për të mbajtur dritën e tyre.
Njerëzit e errët ka të ngjarë të jenë të njohur dhe madje edhe disa bashkëpunëtorë. Në vend që të zemërohesh ose të përballesh me ta, gjëja më e mirë është t’i injorosh. Duhet të kuptoni se pas këtyre sjelljeve, një vetëbesim i ulët shpesh është i fshehur, kështu që duhet të kuptoni kufijtë e këtyre njerëzve dhe të dini se ata nuk janë si ne. Pranoji siç janë, pranoni veten, dhe, injoroni. Forconi marrëdhëniet tuaja me miqtë, të afërmit dhe partnerët, të cilët kanë vlera dhe ju pasurojnë.
Jeta është të dish të pranosh se nuk jemi të barabartë, prandaj nuk është e rëndësishme të lëndojmë njëri-tjetrin.
Njerëzit për të cilët kujdeseni, janë ata që ju bëjnë të lumtur, nga ata që mësoni. Ata do të jenë vitamina juaj kundër atyre që përpiqen të fikin dritën tuaj. Zbuloni se si të luftoni trishtimin në mënyrë të natyrshme.
A njihni shumë njerëz të varur nga tragjeditë? Ata janë personalitete që krijojnë stuhitë e tyre dhe që qajnë kur bie shi. Adhurojnë të bëjnë viktimën, të manipulojnë dhe të zmadhojnë ndonjë detaj të vogël për të filluar një numër tragjedish. Është një qëndrim i rrezikshëm nga i cili duhet të largohemi.
Jeta është lumturi dhe lumturia, mbi të gjitha, alegria. Nuk ka armë më të fuqishme se ndjenja e humorit: ajo gëzon zemrat dhe çarmatos njerëzit që janë bartës të errësirës. Është zakon të thuhet se vetëm njerëzit inteligjentë janë në gjendje të gëzojnë ndjenjën e humorit. Aplikojeni atë ditë pas dite dhe relativizoni tensione, lehtësoni jetën tuaj me një buzëqeshje dhe fitoni ata që duan të fikin dritën tuaj.
Në përfundim, duhet të pranojmë se në këtë jetë do të njohim dhe do të duhet të rrethohemi nga njerëz shumë të ndërlikuar. Ne nuk mund t’i ndryshojmë apo t’i detyrojmë ata ta shohin botën nga këndvështrimi ynë. Duhet t’i respektojmë, t’i pranojmë dhe të kujdesemi për veten për të mos u dëmtuar. Nëse mund të mbështetemi në njerëz të veçantë dhe autentikë në rrethin tonë më intim shoqëror, askush nuk mund ta fikë dritën tonë!
Përgatiti Orjona TRESA / Burimi: vabbe.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
