Fabrika e Birra Korça-s nuk është vetëm një simbol i traditës dhe cilësisë, por edhe një burim frymëzimi për brezat e rinj. Me përkushtim ndaj ruajtjes dhe zhvillimit të trashëgimisë së saj, kompania synon të ndajë dijen dhe pasionin për birrën artizanale me të rinjtë.
Në kuadër të kontributit të saj shoqëror, Birra Korça ka hapur dyert për të rinj të apasionuar, duke u ofruar mundësinë të njihen nga afër me procesin e prodhimit të birrës, përzgjedhjen e lëndëve të para, teknikat tradicionale dhe risitë në dizajnin e paketimit.
Qëllimi afatgjatë i kompanisë është të kultivojë tek brezi i ri dashurinë për këtë zanat, duke ruajtur vlerat e trashëguara dhe duke nxitur një zhvillim profesional e krijues. Sepse tradita jonë është më e fortë kur ndahet dhe përtërihet nga gjeneratat që vijnë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
