Pavarësisht rekomandimeve dhe presioneve nga qeveria dhe institucionet shëndetësore, Brigitte Bardot nuk do t’ia dijë për vaksinimin. Ky është komenti i ndjekur në mediat franceze, pas refuzimit të aktores së madhe për të bërë vaksinën kundra virusit famëkeq.
Në moshën 87-vjeçare, ish-ylli francez i kinematografisë refuzon vaksinën kundër Covid dhe – në një intervistë për të përjavshmen Gala – shpjegon: “Jo, jo vaksinë! Jam alergjike ndaj të gjitha kimikateve”.
Bardot thotë se është mirë me shëndet dhe rrëfen: “Edhe kur shkova në udhëtim në Afrikë, nuk pranova të vaksinohem kundër etheve të verdha. Mjeku im në atë kohë më dha një certifikatë false. U largova dhe u ktheva në formë të mirë!”. Në intervistë, ish-aktorja shton më pas – për vdekjen – “se një ditë apo një tjetër është radha e të gjithëve”.
Brigitte Bardot u sulmua për deklaratat e saj nga ministrja e Kulturës, Roselyne Bachelot: “kur je në njëfarë moshe – tha ajo – ke përgjegjësi ndaj brezave të ardhshëm, përgjegjësi për t’i mbrojtur ata”.
Përgatiti Orjona Tresa / Burimi ansa.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
