Të gjithë e njohim kombinimin bukë me vaj ulliri: një ushqim klasik i gjysheve tona, i venitur për shkak të ushqimeve të ëmbla dhe menusë së pasur të fabrikimit të gjërave të gatshme, që gjithnjë e më tepër i bëjnë fëmijët të abuzojnë, duke e kaluar masën. Shkolla Stella Cilento në Itali ka nisur iniciativën për ta rikthyer këtë ushqim mes fëmijëve, të cilët duket se e pëlqejnë: rizbulimi i shijeve të vjetra dhe të vërteta. Mësuesit dhe prindërit kanë propozuar rikthimin tek e kaluara për të garantuar thjeshtësinë dhe mirësinë brenda mundësive të fëmijëve.
Me pak fjalë, ushqime të shëndetshme pa sakrifikuar shijen.
Është e qartë se fëmijët lehtësisht mund të joshen nga ushqimet e shpejta e të thata të të gjitha llojeve. Kështu është në të gjithë botën, dhe nuk është çudi. Ajo që meriton vëmendjen është propozimi i disa nënave të kompleksit të shkollës Stella Cilento, krijuar për t’i ndihmuar fëmijët të shijojnë ushqime të shëndetshme pa sakrifikuar shijen.
Qëllimi i kësaj nisme është nxitja e nxënësve për t’u përshtatur me një dietë më të shëndetshme dhe të ekuilibruar, duke ndjekur ushqimet e Dietës Mesdhetare. Është mirë që fëmijët të mësohen me përdorimin e produkteve bio, dhe nënat e dinë këtë mirë. Në këtë rast, vaji i ullirit është një prodhim në nivel lokal. Dhe madje edhe buka është e prodhuar me grurë të zonës.
Privilegji i këtyre ushqimeve është një pikënisje për rikthimin e një stili jetese më të shëndetshëm.
Përgatiti Orjona TRESA / Burimi: guardachevideo.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
