Çfarë duhet të gëzoni për të qenë të lumtur në një marrëdhënie në çift? Harmoninë, dashurinë, pasionin, por edhe të pasurit e disa zakoneve të vogla ose të mëdha për t’u ndarë. Duhet thënë se çiftet e lumtura kanë zakone të ndryshme nga ata të palumturit. Për ekspertët, një zakon është një sjellje e dallueshme e cila përvetësohet automatikisht, por kërkon pak përpjekje.
Le të shohim zakonet të cilat u atribuohen çifteve të lumtur.
Ndani interesa të përbashkëta
Pasi pasioni zbehet, kuptohet që çiftet kanë pak interesa të përbashkëta, megjithatë nuk duhet të minimizoni rëndësinë e aktiviteteve që mund të bëhen bashkërisht.
Ecni dorë për dore
Në vend që të rrini njëri përpara dhe tjetri mbrapa, kopjet e lumtura ecin në mënyrë komode, dorë për dore dhe pranë e pranë. Ata e dinë se është më e rëndësishme të qëndrojnë me partnerin e tyre, se sa të humbin midis njerëzve.
Besimi dhe falja
Nëse në mes është dashuria duhet të besoni tek njëri-tjetri dhe të falni ndonjë gabim.
Përqendrohuni tek partneri
Duhet të përqendroheni gjithnjë e më shumë mbi atë që partneri juaj bën. Kush është i lumtur në të qenët së bashku, në thelb thekson aspektet pozitive të tjetrit.
Një përqafim sapo të shiheni
Lëkura jonë ka një kujtesë të mirë! Ajo e di se kur një kontakt fizik është i mirë, i keq apo i neglizhuar.
Thoni “Të dua” dhe “Ditë të mbarë” çdo mëngjes
Kjo është një mënyrë mjaft e mirë për të ushtruar durimin dhe tolerancën, në funksion të një dite që premton “luftë”, apo që është përplot me gracka dhe probleme.
Flisni në telefon gjatë ditës
Telefonojini partnerit/es suaj në shtëpi ose në punë për të marrë vesh se si po i shkon dita. Kjo është një mënyrë e mirë për të ndërtuar më shumë harmoni sa herë që ktheheni në shtëpi.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
