Një trend i kohës se fundit është dieta vegjetariane. Sigurisht që ka shumë përfitime për shëndetin e njeriut dhe sidomos për ata që vuajnë nga obeziteti. Megjithatë duhet kujdes për produktet që përzgjidhni të konsumoni, si dhe për kombinimet ushqimore!
Çfarë duhet të kenë kujdes vegjetarianët?
Viktoria Naço
Dietologe
- Të kontollojnë sasinë e karbohidrateve në dietën e tyre, pasi në shumicen e rasteve abuzohet me sasinë ditore (makaronat, orizi, patatet, buka, frutat), por dhe te cilësia e karbohidrateve.
- Mos konsumoni produktet e përpunuara, biskota, kek, çokollata, sheqer dhe yndyrë.
- Mos konsumoni patatina, por drithëra të papërpunuar.
- Zgjidhni sa më shumë ushqimeve natyrale.
- Përveç karbohidrateve duhet të keni një vakt të mirëformuar në raportin karbohidrate-proteina-yndyrë. Nëse regjimi ditor ushqimor nuk do të jetë në këtë formë gjatë gjithë kohës do të keni uri, duke qenë se niveli i sheqerit në gjak do të jetë i lartë (vakte të pasura në karbohidrate) dhe pesha trupore vazhdon të jetë e lartë, ose do të rritet.
- Këshillohet të kryeni analizat çdo 6 muaj: nivelin e feritinës dhe Vitaminës B12
- Për evituar aneminë dhe për të ritur nivein e proteinave në menunë ditore, do të këshilloja që çdo ditë kjo menu të përmbajë te njëri vakt minimalisht: legume (bizele, barbunja, fasule, qiqra, thjerrëza etj) për të marrë proteinën bimore.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
