Kur eliminoni ushqime të pasura me karbohidrate si buka e bardhë, ju humbni peshë. Buka e bardhë është një burim i dobët i lëndëve ushqyese në krahasim me ushqime të tjera si perime, fruta, mish dhe peshk. Kur nuk hani më bukë të bardhë do të vini re ndryshime të mëdha në trup. Problemi kryesor me bukën e bardhë është që gruri rafinohet. Kjo është arsyeja pse buka e bardhë nuk është një ushqim i dobishëm.
Në fakt, buka e bardhë përbëhet nga karbohidrate shumë të përpunuara. Kjo është arsyeja pse tretet shpejt pa siguruar shumë ushqyes ose përfitime për trupin. Receta themelore bëhet me miell gruri të rafinuar, ujë dhe kripë; kjo, së bashku me ngjyrues të shtuar nga disa industri, nuk e bëjnë atë mundësinë më të mirë ushqyese. Buka e bardhë përmban sheqer, kjo rrit nivelin e sheqerit në gjak. Në këtë mënyrë ne përfundojmë duke u shëndoshur. Buka e bardhë e paketuar përmban kimikate që e mbajnë atë për aq kohë sa të jetë e mundur. Shumë nga këto kimikate janë toksike dhe mund të dëmtojnë shëndetin tuaj në planin afatgjatë.
A ju shëndosh buka e bardhë? Buka e bardhë e bërë me miell shumë të rafinuar është si një bombë sheqeri dhe të hash më shumë se gjashtë feta në ditë rrit rrezikun e mbipeshës me 40%. Të dhënat vijnë nga një studim i kryer nga Universiteti i Navarra. Ata që konsumuan dy ose më shumë vakte me bukë të bardhë në ditë, rreth gjashtë feta, kishin rrezik të fitonin më shumë peshë.
Mielli 00, ose mielli i bardhë, është i rafinuar në mënyrë industriale. Është i privuar nga mikrobi dhe krundet. Buka e bardhë është e pasur me kalori (265 kalori / 100 g) dhe karbohidrate (49 g karbohidrate / 100 g) por është e ulët në proteina, lipide, fibra, vitamina dhe minerale. Konsumi i lartë i karbohidrateve të thjeshtë, siç ndodh me bukën e bardhë, mund të çojë në shtim të peshës.
Çfarë përfitimesh merrni kur ndaloni së ngrëni bukë të bardhë?
Digjni yndyrën. Në fakt, ulja e konsumit të karbohidrateve gjithashtu do të zvogëlojë kaloritë ditore të konsumuara. Kur trupi nuk merr më karbohidrate, ai djeg yndyrën e ruajtur për të prodhuar energji.
Ndiheni më pak të uritur. Nuk janë kaloritë ato që shuajnë urinë, por lëndët ushqyese, të tilla si proteinat, fibrat ose yndyrna të shëndetshme. Këta përbërës mungojnë në karbohidratet e rafinuara. Duke eliminuar konsumin e bukës së bardhë, ju do të zvogëloni ndjenjën e urisë.
Do të keni një bark më të bukur. Është një nga ndryshimet më të dukshme. Karbohidratet e bukës së bardhë, në të vërtetë, zëvendësohen nga ushqime me fibra të lartë dhe barku do të duket më i këndshëm.
Rreziku i diabetit zvogëlohet. Sheqernat e thjeshtë që përmban buka e bardhë, në planin afatgjatë, mund të jenë të dëmshëm për shëndetin. Sa më shumë që tret, aq më shumë insulinë prodhon pankreasi – kjo mund të çojë në një rritje të rrezikut për t’u prekur nga diabeti tip 2.
Muskujt bëhen më të fortë. Konsumimi i karbohidrateve të thjeshta që gjenden në bukën e bardhë nuk do t’ju bëjë mirë për rritjen e muskujve. Karbohidratet që gjenden në bukën e bardhë kanë mungesë të proteinave që janë të rëndësishme për muskujt dhe kontribuojnë në shëndetin e lëkurës, flokëve dhe thonjve.
Burimi / https://cefalunews.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
