Përgatiti Aida Shquti
Në ditët e sotme, alumini është metali që përdoret më shumë. Atë e marrim përmes ajrit, ujit dhe tokës. Ndryshe nga kalçiumi, magnezi dhe hekuri, trupi ynë nuk ka nevojë për këtë metal, por kur bie në kontakt me të, e përthith, duke vuajtur dëme të parikuperueshme nëse është marrë në sasi të mëdha.
Aluminin e gjejmë në letrat që mbështjellim ushqimin, në enët që përdorim për gatim, në deodorantet antidjersë, si edhe në paketimet e produkteve si patatina, biskota etj.
Sasia e aluminit që futet në trupin e njeriut kur përdorim letrën e aluminit në ushqime të nxehta dhe kryesisht ato me përmbajtje të lartë aciditeti, siç është limoni dhe domatja, është 1-2 mg. Kjo sasi konsiderohet e vogël, por kontakti i vazhdueshëm me këtë metal mund të çojë në probleme madhore siç janë:
– Humbja e kujtesës
– Probleme me ekuilibrin
– Probleme neurologjike
– Dëmtime kockash
– Probleme me frymëmarrjen
– Fibrozë pulmonare
Studimet kanë treguar edhe lidhjen që ka alumini me sëmundjen e Alzhaimerit, pasi kanë gjetur sasi të konsiderueshme në trurin e personave që vuajnë me këtë sëmundje. Kurse me përdorimin e deodorantëve, poret e përthithin aluminin, duke rritur nivelin e toksinave në trup. Për këto arsye duhet që:
- Të eliminojmë përdorimin e letrës së aluminit me ushqimet e ngrohta.
- Në vend të deodorantëve me përmbajtje alumini, të përdorim ato me 0% alumin.
- Të zëvendësojme enët e aluminit me ato prej balte, xhami dhe qeramike.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
