Çdo njeri ndonjëherë është i trishtuar, nervoz dhe ka probleme me gjumin. Por zakonisht, këto probleme zgjasin disa ditë. Kur një njeri ka depresion, gjendja ndërhyn me rutinën e përditshme për disa javë. Depresioni ndikon tek gratë dhe burrat. Megjithatë, njerëzit ndihen ndryshe kur janë në depresion, humbasin interesin në punë, familje apo hobi. Shumë njerëz nuk e njohin dhe nuk kërkojnë ndihmë kur ata kuptojnë se janë në depresion. Ata nuk janë të gatshëm kur vjen puna për të folur për ndjenjat e tyre. Cilat janë shkaqet, shenjat dhe simptomat e depresionit tek meshkuj?
Cilat janë format e ndryshme të depresionit?
Llojet më të zakonshme të depresionit janë:
- Simptoma depresioni që ndërhyjnë në aftësinë e një njeriu për të punuar, gjumi, studimi, ushqimi…
- Çrregullim depresiv që zgjat në kohë të gjatë (2 vjet ose më shumë)
- Depresioni i vogël-i ngjashëm me depresionin e madh dhe çrregullime distimike, por simptomat janë më pak të rënda dhe ato shfaqen në një periudhë që mund të jetë më e shkurtër.
Cilat janë shenjat dhe simptomat e depresionit tek meshkujt?
- Ndjenja e trishtimit apo “zbrazëti e brendshme”
- Humbja e shpresës, acarim, ankth, zemërim
- Humbja e interesit në punë, familje dhe gjëra që më parë dukeshin të këndshme (duke përfshirë gjininë)
- Lodhje
- Paaftësia për t’u përqëndruar apo kujtuar detajet
- Paaftësia për të fjetur
- Të ngrënit shumë, ose mungesa e dëshirës për të ngrënë
- Mendimet vetëvrasëse, tentativa për vetëvrasje
- Dhimbje koke, dhimbje barku apo probleme të tretjes
- Paaftësia për të kryer aktivitetet të përditshme
Si mund të ndihmojmë një të dashur që ka depresion?
- Kryesisht duke kërkuar për një mjek ose një specialist në probleme të shëndetit mendor dhe të bëjë një takim
- Kuptimi, mbështetja, durimi dhe inkurajimi
- Flisni me të dhe të dëgjojeni me kujdes për çdo gjë
- Mos injoroni fjalët për vetëvrasje
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
