Çokollata nuk bën mirë vetëm për humorin, por edhe për trurin. Sipas studiuesve kakao ndihmon për të ruajtur të shëndetshëm dhe sa më të ri trurin.
Një studim amerikan, i botuar në revistën “Neurology” përfshiu 60 persona të moshës rreth 73 vjeç, të cilët konsumonin dy filxhanë çokollatë të ngrohtë çdo ditë, për disa muaj rresht. Në përfundimin e këtij studimi, rezultati ishte shumë suprizues.
Të moshuarit që kishin probleme me qarkullimin e gjakut në tru, kishin një rritje me 8.3% të fluksit të gjakut, duke pasur performancë të shkëlqyer në testet e memories. Sipas studiuesve, në të ardhmen kakaoja mund të ndihmojë për të zgjidhur problemet e demencës tek të moshuarit, duke bërë të mundur gjetjen e një kure për sëmundjet e rënda si Alzheimer-i.
Nga ky këndvështrim, studiuesit amerikanë janë shumë pozitivë dhe të bindur se çokollata është “çelësi” për të gjetur një kurë të efektshme për shumë sëmundje që prekin moshën e tretë.
Botuar në Revistën “Psikologjia”, Nr. 140
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
