Ndjeni dhimbje fyti dhe ju shqetëson kolla? Hani çokollatë të zezë, pasi ju ndihmon realisht shumë! Kakao është një ilaç i vërtetë kundër ftohjes dhe rrufës…
Çokollata, shumë e shijshme dhe e pasur me përbërës të shëndetshëm, është një ndihmë e shkëlqyer për të luftuar kollën dhe dhimbjen e fytit. Sipas një studimi të fundit, po të konsumoni 1 shirit çokollatë të zezë në ditë, ndihmon për të zbutur kollën dhe rrufën. Ka të njëjtin efekt si ushqimet e tjera natyrale që përdorim kur jemi sëmurë, si: mjalti apo çaji me bazë xhinxhëri e limoni.
Përse kakao bën kaq mirë kundër kollës dhe dhimbjes së fytit?
Përfitimet qëndrojnë në cilësitë lenitive të çokollatës. Teobromina, një alkaloid në përmbajtjen e saj, ka në fakt një efekt shumë të mirë dhe të menjëhershëm kundër kollës, po ta krahasojmë me kodeinën, që përdoret si përbërësi kryesor i ilaçeve klasike kundër kollës dhe rrufës. Ka disa arsye përse duhet të konsumoni çokollatë dhe jo vetëm prej cilësive lenitive dhe anti-inflamatore, ndaj jeni të lirë të përkëdhelni veten çdo ditë me çokollatë, pa u ndjerë në faj. Sigurisht, nuk duhet ta ekzagjeroni!
Kakao dhe ushqimet e tjera që luftojnë kollën, gripin e virozat
Çokollata nuk është ushqimi i vetëm që ndihmon për të shëruar kollën dhe dhimbjen e fytit. Në fakt, ka edhe ushqime të tjera kundër gripit e kundër virozave, të cilat janë të shkëlqyera për të rritur mbrojtjen e imunitetit dhe për të luftuar ftohjen dhe sëmundjet e stinës. Sigurisht, jo të gjitha janë të shijshme dhe me shije siç është kakaoja, por janë po aq të efektshme për të mbajtur nën kontroll virozat e stinës. Ja cilat janë këto ushqime:
• Portokallet: përmbajnë sasi të madhe Vitaminë C
• Karrotat: rrisin numrin e qelizave që kurojnë infeksionet
• Hudhrat: shumëfishojnë qelizat që luftojnë viruset
• Kërpudhat: janë të pasura me betaglukan, që cilat forcojnë mbrojtjen imunitare
• Luleshtrydhet: jo të gjithë e dinë, por luleshtrydhet janë shumë të pasura me Vitaminë C
• Salmoni: i pasur me Vitaminë D, është një nga ushqimet më të mira për të luftuar viruset
• Lakra e kuqe: mbron aparatin e frymëmarrjes dhe forcon qelizat e bardha të gjakut
• Bajamet: janë të pasura me Vitaminë E dhe antioksidantë
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
