Dashuria nuk kërkohet, kurrë dhe për asnjë arsye, dashuria është një dhuratë, asgjë më shumë. Ne flasim shumë për dashurinë. Ndoshta do të ishte më mirë të flisnim më pak për të dhe të përpiqeshim ta praktikonim, ta jetonim më shumë, por duke pritur…
Ka shumë ide për dashurinë dhe e para dhe më e rëndësishmja është që ta konsiderojmë atë jo si një detyrim, një kusht që të çon në zgjedhjen e partnerëve ose miqve, por një ndjenjë të qartë dhe të kristaltë për të mos mbetur vetëm.
Askush nuk ka detyrimin për të na zgjedhur ne dhe askush nuk ka nevojë të dhurojë një pjesë aq të rëndësishme të vetes për të mbushur një zbrazëti, për të larguar një zhgënjim, për t’u ndjerë si të tjerët. Ka shumë marrëdhënie të krijuara dhe të jetuara në asgjë, momente që duket të jenë fotokopja e revistave të padobishme, një mal i përgjumur dhe i premtimeve pa një ndjenjë të vërtetë që i forcon ato.
Si qenie njerëzore ne kemi një aftësi unike që na dallon nga forma të tjera të jetesës. Ajo quhet liri, mundësia e zgjedhjes, vullneti i lirë. Nëse dikush na do dhe kemi ndjenja, ne duhet të jemi të vetëdijshëm dhe të sinqertë.
Cili është qëllimi i mashtrimit? Kjo formë e sjelljes është ende shumë e pranishme, duke sjellë me vete ngarkesa zhgënjyese dhe siklet që aktivizohet kur ndjehen plagë të tilla. Së bashku me lirinë e zgjedhjes, gurthemeli tjetër i një marrëdhënie të vërtetë është dhurimi me sinqeritet. Me këtë ju shmangni dëmtimin e vetes dhe respektoni gjithmonë partnerin tuaj. Pa këtë ne krijojmë marrëdhënie të paqëndrueshme, përjetojmë situata gri dhe të rreme.
Ato janë themele të domosdoshme për një marrëdhënie autentike dhe na ndihmojnë të pjekim bindjen se asgjë në këtë fushë nuk duhet të kërkohet. Kush nuk është i pranishëm atëherë kur të nevojitet, i cili gjithmonë ka një justifikim, edhe më keq, me mendimin për të mashtruar, duhet t’i lihet fatit.
“Dashuria nuk duhet të kërkohet. Dashuria duhet të ketë forcën për të nxjerrë siguri në vetvete”. –Demian
Prandaj, le të kujtojmë një person që meriton, gjithmonë dhe në çdo rast, të jetë i dashur. Para se të mendosh të duash një tjetër. Dhe ky person jemi ne, zemra jonë. Pasi ne nuk duhet të poshtërohemi dhe mashtrohemi. Dashuria kërkon guxim dhe përkushtim, na lejon të falim, por na kërkon gjithashtu që të respektojmë.
Pastaj Almitra tha:
“Na trego për dashurinë”.
Dhe ai ngriti kokën dhe vështroi popullin dhe një heshtje e madhe ra mbi të. Pastaj me një zë të fuqishëm tha:
“Kur dashuria të thërret, ndiqeni atë edhe nëse rrugët e saj janë të vështira dhe të pjerrëta…”
Burimi / www.giornodopogiorno.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
