Studimet thonë se duhet të kalojnë të paktën 10 sekonda përpara se një mashkull t’i heqë sytë nga portreti i një femre, në takimin e tyre të parë. Nuk është e thënë të jetë një takim dashuror, mund të jetë një prezantim i rastësishëm, por ata do të tregohen njësoj të vëmendshëm ndaj një detaji që femrat ndoshta e nuhasin, prandaj edhe kujdesen që të zgjedhin ngjyrën më të bukur.
Bëhet fjalë për buzëkuqin dhe buzët…
Nëse nuk je lyer me buzëkuq, ato 10 sekonda mund të pakësohen në 3-4 sepse vëmendja e tyre, në rast se buzët nuk janë shumë tërheqëse, do të ulet. Në rast se buzëkuqi ka ngjyrë të kuqe të fortë, koha mesatare e vëmendjes mund të rritet. Sipas studimit që ka kryer Universiteti I Mançesterit, janë pikërisht buzët pjesa më tërheqëse e femrave, për ta. Ato të plotat me ngjyra të theksuara, ndikojnë në zhvillimin e fantazive të tyre sensuale.
Studimi nxori në dritë edhe disa të dhëna të tjera të pabesueshme, si fakti që flokët luajnë një rol kryesor në tërheqjen seksuale të meshkujve. Kështu, shumica e tyre janë shprehur se volumi dhe shkëlqimi i flokëve luajnë një rol thelbësor në vlerësimin që krijon impakti fillestar.
Sipas , Paul Dobransky, psikolog dhe ekspert i marrëdhënieve njerëzore në Universitetin e Harvardit në pesë minutat e para të një takimi, një mashkull nuk arrin të mendojë për asgjë tjetër përveçse paraqitjen fizike, ndërsa “sex-apeal” është jashtëzakonisht i fuqishëm. Pas këtij impakti, përzgjedhja më pas bëhet selektive duke marrë parasysh karakteristika si : e qeshura e saj, stili i veshjes apo sensi i humorit.
Burimi / Intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
