Pas ngrënies së tepërt në gusht, është koha për dietë. Pushimet kanë mbaruar, por mes oreksit, drekave dhe darkave me miqtë keni vënë disa kile shtesë. Mos u shqetësoni, sepse ekziston një zgjidhje: ndiqni dietën “Shtator”, e bërë posaçërisht për të humbur peshë pas verës, e rekomanduar nga ekspertja e ushqimit, Dr. Carla Lertola.
“Protagonistët janë, si gjithmonë, produktet sezonalë, më të mirë dhe të pasur me lëndë ushqyese”, thotë dietologia. “Dhe nëse rikuperimi i ritmeve të zakonshme të jetës ju shkakton pak ankth, ju mund ta mbani lehtësisht nën kontroll me anë të Omega 3 që gjendet tek peshku dhe triptofanit që sigurohet nga qumështi dhe kosi”. Por le të shohim më në detaje dietën që duhet ndjekur.
Dieta e shtatorit, çfarë të blini?
Ky plan ushqimor siguron 1400-1500 kalori në ditë dhe është i shkëlqyeshëm për të humbur peshë pas kthimit nga pushimet. Baza e kësaj diete janë perimet, bishtajoret, frutat dhe peshku.
Perime dhe bishtajore: Panxhar të kuq, borzilok, brokoli, karota, lakër, kastravecë, çikore, qepë, fasule, fasule jeshile, kopër, kërpudha, sallatë, marule, patëllxhanë, nenexhik, patate, speca, domate, presh, rrepë, rukola, selino, soje, kungull i njomë.
Fruta: Shalqi, banane, hurmë, gështenja, fiq, dardhë, shegë, pjeshkë, rrush të bardhë dhe të zi.
Peshk: Açuke, alalunga, barbun, gocë, peshk shpatë, sardele.
Dieta e Shtatorit, plani për çdo ditë
E hënë
Mëngjesi: Kafe ose çaj, qumësht i skremuar, biskota integrale
Paraditja: Mollë
Dreka: Bukë integrale me gjizë dhe limon, supë me kungull të njomë
Pasditja: Dardhë
Darka: Omëletë me kërpudha, sallatë jeshile e përzier, bukë integrale
E martë
Mëngjesi: Kafe ose çaj, kos me fruta me pak yndyrë, bukë integrale e thekur dhe me një lugë çaji mjaltë
Paraditja: Rrush
Dreka: Makarona dhe fasule të kuqe, sallatë lakër
Pasditja: Mollë
Darka: Përzierje e perimeve të pjekura, bukë integrale
E mërkurë
Mëngjesi: Kafe ose çaj, qumësht i skeremuar, biskota integrale me dy lugë gjelle reçel
Paraditja: Dardhë
Dreka: Oriz me barbun, karota me limon
Pasditja: Kumbulla
Darka: Mish viçi me rukola dhe limon, karota të ziera, bukë gruri integrale
E enjte
Mëngjesi: Kafe ose çaj, kos me pak yndyrë, drithëra
Paraditja: Mollë
Dreka: Supë perimesh, djathë Mozzarella, sallatë me koper
Pasditja: Rrush
Darka: Qiqra të ziera me qepë dhe selino, sallatë jeshile e përzier, bukë gruri integrale
E premte
Mëngjesi: Kafe ose çaj, kos të bardhë me pak yndyrë, drithëra
Paraditja: Pjeshkë
Dreka: Fileto pule në skarë me qepë të pjekura, bukë integrale
Pasditja: Mollë
Darka: Sardele të grira me fasule jeshile, bukë integrale
E shtunë
Mëngjesi: Kafe ose çaj, qumësht i skremuar, biskota të thata
Paraditja: Mollë
Dreka: Makarona integrale me bizele dhe nenexhik, speca të pjekur në skarë
Pasditja: Dardhë
Darka: Kofshë pule të pjekur, sallatë me panxhar të kuq, bukë integrale
E diel
Mëngjesi: Kafe ose çaj, kos të bardhë me pak yndyrë, drithëra
Paraditja: Kumbulla
Dreka: Barbun i zier, brinjë të pjekura në skarë, bukë integrale
Pasditja: Rrush
Darka: Makarona me patëllxhan, rukola turshi dhe domate.
Burimi / https://www.leggo.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
